КіруШекара сақшылары қызметке кірісті
18 тамызда елімізде Шекарашы күні аталып өтеді. Кәсіби мереке қарсаңында облыс әкімінің орынбасары Қалияр Айтмұхамбетов өңірде қызметтік жолын бастайтын жоғары әскери оқу орындарының түлектерімен кездесті.
Басқосу барысында аймақ басшысының орынбасары жас офицерлерді жаңа қызмет орындарымен құттықтап, жауапты міндеттеріне сәттілік тіледі.
– Батыс Қазақстан облысы – еліміздің батыс қақпасы. Бай шежірелі өлкеге қош келдіңіздер! Мемлекеттің тұтастығы мен халықтың тыныштығын қорғау – сіздер үшін қасиетті аманат. Шекара қызметкерлерінің еңбегі ерлік пен төзімділікті қажет етеді. Маңызды міндетті мінсіз атқарып, еліміздің берік қалқаны болғайсыздар – деді Қалияр Айтмұхамбетов.
Кездесу барысында Қазақстан Республикасы Ұлттық қауіпсіздік комитеті Шекара қызметінің Батыс Қазақстан облысы бойынша департаментінің бастығы Мұхтар Қанабеков жас офицерлерді таныстырды. Оның айтуынша, әскери қызметшілердің кәсіби міндеттерін орындауымен қатар, мәдени-спорттық және тарихи-танымдық шараларға қатысып, өз білім-білігін жетілдіруіне де қажетті жағдай жасалған.
Өз кезегінде шекарашылар Расул Тәпішев пен Мансұр Қадырәлиев ел алдындағы жауапкершілікті терең сезінетіндерін атап өтті. Олар Отанға адал қызмет ету – әр азаматтың перзенттік парызы әрі азаматтық борышы екенін айтып, өздеріне жүктелген міндетті абыроймен атқаруға дайын екендерін жеткізді.
Соңғы жаңалықтар
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
