КіруБатыс Қазақстан облысының әкімі Нариман Төреғалиевтің Астана күнімен құттықтауы
Қадірлі жерлестер!
Баршаңызды Қазақстан Республикасының мемлекеттік мерекесі – Астана күнімен шын жүректен құттықтаймын!
Мемлекет басшысы Қасым-Жомарт Кемелұлы Тоқаев бүгін ел халқына мерекелік құттықтауын жолдап, Астана – егемен еліміздің жүрегі. Елордамыз – Тәуелсіз Қазақстанның символы, жарқын болашаққа ұмтылған ұлтымыздың жасампаз күш-қуатының қайнары екенін атап өтті. Президентіміз: «Елорда күні қарсаңында ұлт жылнамасындағы түбегейлі бетбұрыс кезеңіне жол ашқан Халық Конституциясы заңды күшіне енді. Мұның символдық мәні бар. Шын мәнінде, осы тарихи оқиға билік пен қоғамның негізгі институттарын жаңғырту ісінің бастауы саналады», – деп, ел өміріндегі елеулі оқиғаға ерекше тоқталды.
Президент бастамасымен қабылданған Елордамыздың мәртебесі туралы жаңа конституциялық заң Астананың саяси, әкімшілік, экономикалық және мәдени орталық ретіндегі рөлін күшейтіп, оның мемлекет дамуындағы айрықша мән-маңызын айқындай түсті.
Бүгінгі таңда Астана – заманауи сәулет өнері мен озық технологиялар тоғысқан, қарқынды дамып келе жатқан ірі мегаполис. Бұл – тек зәулім ғимараттардың ғана емес, білім мен ғылымның, мәдениет пен инновацияның алтын ұясы. Шаһар жыл санап кеңейіп, инфрақұрылымы жаңарып, тұрғындар мен қонақтар үшін жайлы әрі қауіпсіз мекенге айналып келеді. Жаһандық деңгейдегі маңызды шешімдер қабылданатын, бейбітшілік пен келісімнің алқалы жиындары өтетін халықаралық орталық ретінде Астананың беделі де биік. Бас қаламыздың әрбір жетістігі – барша отандастарымыздың бірлескен еңбегі мен жасампаздығының жарқын көрінісі.
Қадірлі ағайын!
Баршаңызға зор денсаулық, отбасыларыңызға амандық, бақ-береке тілеймін. Еліміздің бірлігі нығайып, тәуелсіз Қазақстанымыздың мерейі үстем болсын! Мереке құтты болсын!
Версия для печатиСоңғы жаңалықтар
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
