КіруӨңір басшысы жергілікті өндірістің тынысымен танысты
Батыс Қазақстан облысының әкімі Нариман Төреғалиев Бөрлі ауданына жасаған жұмыс сапары аясында өңірдегі өндіріс саласын дамытуға үлес қосып отырған «Samgau Company» кәсіпорнының жұмысымен танысты.
2009 жылдан бері тұрақты жұмыс істеп келе жатқан кәсіпорын бүгінде арнайы мақсаттағы жұмыс киімдерін тігу бағытында табысты еңбек етіп келеді. Мұнда 10 адам тұрақты жұмыспен қамтылған. Өндіріс орны тапсырысқа сай әртүрлі сала қызметкерлеріне арналған арнайы киімдерді дайындап қана қоймай, дайын өнімді жеткізу жүйесін де қатар жүргізіп отыр.
Кәсіпорын өнімдері сапаға қойылатын заманауи талаптарға толық сәйкес келеді. Сондықтан мұнай-газ, құрылыс және өндіріс саласындағы ірі компаниялар тарапынан сұраныс та жоғары. Бұл өз кезегінде жергілікті өндірістің нарықтағы бәсекеге қабілеттілігін көрсетеді.
Кәсіпорын жұмысымен танысу барысында аймақ басшысы жергілікті өндірісті дамыту, тауар түрлерін көбейту және жеңіл өнеркәсіп саласын қолдау өңір экономикасын нығайтудың маңызды бағыты екенін атап өтті. Кәсіпті кеңейтуге деген ұмтылыс пен еңбекке деген жауапкершілік қашанда нәтиже беретінін жеткізіп, шикізат базасын дамыту немесе өнім өткізуге қатысты мәселелер туындаған жағдайда мемлекет тарапынан қолдау тетіктері жан-жақты қарастырылатынын айтты. Өйткені өз кәсібін дамытып қана қоймай, ел игілігіне қызмет етуді мақсат еткен азаматтардың бастамасы әрдайым қолдауға лайық.
Бүгінде осындай өндіріс орындарының тұрақты дамуы аймақтағы кәсіпкерлік белсенділікті арттырып, жаңа жұмыс орындарының ашылуына, отандық өнім көлемінің ұлғаюына және өңірдің экономикалық әлеуетінің нығаюына негіз болып отыр.
Ә.Бақытжанқызы
Соңғы жаңалықтар
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
