КіруБілім ордасындағы тәртіп тазалықтан басталады
Бөкей ордасы ауданына жұмыс сапары барысында облыс әкімі Нариман Төреғалиев Хан Ордасы ауылындағы Жәңгір хан атындағы орта мектептің жұмысымен танысты. Білім ордасының материалдық-техникалық жағдайын қарап шыққан өңір басшысы мектеп аумағын аралап, абаттандыру және тазалық мәселесіне ерекше назар аударды.
Бүгінде аталған мектепте 87 педагог еңбек етеді. Өткен оқу жылын 503 оқушы аяқтаған. Мектеп басшылығының мәліметінше, алдағы уақытта ғимаратқа ағымдағы жөндеу жұмыстары жүргізілмек. Сондай-ақ ескірген қазандықтың орнына орнатылған жаңа жылу жүйесі де таныстырылды. Облыс әкімі жаңа жабдықты ұқыпты пайдаланып, тұрақты бақылауда ұстауды тапсырды.
Кездесу барысында Нариман Төреғалиев Мемлекет басшысының бастамасымен жүзеге асып жатқан «Таза Қазақстан» акциясының маңызын атап өтті. Өңір басшысы мектеп аумағының тазалығы мен жинақылығы өскелең ұрпаққа тәрбие берудің маңызды тетіктерінің бірі екенін негізге алды.
Білім ордасының ажары оның тек ғимаратымен емес, тазалығы мен ұқыптылығымен де көрінеді. Сондықтан мектеп аумағын көркейту, тәртіп пен тазалықты сақтау мәселелері қашанда назардан тыс қалмайды.
– Тазалық табалдырықтан, үйден, мектептен басталады. Білім ордасы – өскелең ұрпақтың мекені. Педагогикалық еңбек ұжымы қай істе де өзгелерге үлгі болуға тиіс. Мектептің сырты таза болмаса, ішінде тәртіп те, жауапкершілік те болмайды. Сондықтан осыған жіті көңіл бөліп, ауланы көгалдандыруға мән беріңіздер. Тазалық бар жерде тәртіп бар, – деді облыс әкімі.
Ә.Бақытжанқызы
Соңғы жаңалықтар
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
