КіруАуыл балалары жаңа мектепте білім алады
Ақжайық ауданына қарасты Жамбыл ауылдық округінің Үштөбе ауылында салынып жатқан жаңа білім беру нысаны жаңа оқу жылы қарсаңында пайдалануға берілмек. Құрылыс барысымен Батыс Қазақстан облысының әкімі Нариман Төреғалиев арнайы танысты.
60 орындық шағын жинақты мектеп құрылысы өткен жылдың тамыз айында басталған. Жалпы құны 850 миллион теңгені құрайтын әлеуметтік жоба ауыл тұрғындары үшін маңызды нысандардың бірі саналады.
Қазіргі таңда ғимараттағы негізгі құрылыс жұмыстарының басым бөлігі аяқталып, ішкі әрлеу мен аумақты абаттандыру жұмыстары жүргізілуде. Нысанда 25 адам еңбек етуде, олардың қатарында жергілікті тұрғындар да бар.
Заманауи талаптарға сай салынып жатқан мектеп ғимараты металл қаңқалы құрастырмалы негізде тұрғызылған. Қабырғалары арнайы өртке төзімді панельдермен қапталған. Жалпы білім ордасында 69 бөлме қарастырылған. Мұнда оқу кабинеттерінен бөлек спорт залы, мәжіліс залы, кітапхана, асхана, шеберхана және мектепалды даярлық топтарына арналған бөлмелер болады.
Бүгінде құрылыс жұмыстары 70 пайызға орындалған. Өңір басшысы мердігер компанияға нысанды тамыз айының ортасына дейін сапалы аяқтауды тапсырды. Сонымен қатар аудан әкімдігіне ауылға жаңа отбасыларды тарту және оқушылар санын көбейту бойынша нақты міндеттер жүктелді.
Аталған нысанның іске қосылуы өңірдегі білім беру инфрақұрылымын дамытуға үлес қосып, ауыл тұрғындары үшін жаңа мүмкіндіктер қалыптастырады. Бұл жоба ауылдың әлеуметтік әлеуетін арттырып, келешек ұрпаққа сапалы білім беру жолындағы маңызды қадам болмақ.
Ә.Бақытжанқызы
Соңғы жаңалықтар
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
