Кіру🌈Қайырлы күн, қадірлі Оқырмандарым! ✍️
«Жайық үнінің» бүгінгі нөмерінің бірінші бетінен жерлес журналистердің, кәсіпкерлердің, модераторлардың байқаудағы жеңістерін оқи отырыңыздар. Осы байқау жеңімпаздарының арасынан жеке кәсіпкер , «Жомарт жан» номинациясының иегері, өлкедегі мұқтаж жандарға қайырымдылық жасаудан жалықпайтын білікті азамат Абзал Насиолланың еңбегіне ерекше тоқталып өттік.
🌹🌹🌹🌹🌹🌹🌹Сондай-ақ, өз кәсібін дөңгеленткен Қаратөбе ауданының қара баласы, бүгінде іскер азамат Манарбек Қазбекұлы туралы тұщымды мақала жарияланды. Кейіпкердің қалауы бойынша Манарбек жайлы мақаланың орыс тілінде жазылғанын қаперіңізге сала кетейік.
💦Осы нөмерде аптадағы жарқын жаңалықтар, жаңа жылдық шырша кеші, оқырмандар хаттары бар. Айтпақшы, БҚО әкімінің қатысуымен өтіп жатқан жиналыстар да өлкеде жұмыс тәртібінің күшейгенін көрсетуде. Бұған «Құрлыста кідіріс жасағандар сотталады» деген мақала дәлел бола алады! 🪓🔨
📕Танымал ұстаз, қаладағы 38 мектептің байырғы директоры Досқалиева Баян Мектепқызының әкесі, марқұм Мектеп Досқалиев туралы ақсайлық Қуанышқали Ғұсманов естелік мақала жазған екен. ✍ Ақын ағаны ел есіне түсіріп, қуана жарияладық! Әруағы желеп-жебесін. 🙏
Қазір Оралда тұмау өршіп тұр. Облыстық ЖИТС орталығы сақтандыру шараларын айтып, мақала
жазуда. Оқырмандарым, тұмаудан, ауру-сырқаудан аман болайық! Келесі аптада кездескенше Жайыққа қар жауып, ☃❄☃көңіліміз қардай аппақ болсын! 🌨🌨🌨
«Жайық үні» редакциясы.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу