Кіру14 Наурыз 2022 1674 0
ҚоғамӨҢІР БАСШЫСЫ ОБЛЫС ШАРУАЛАРЫМЕН КЕЗДЕСТІ
Облыс әкімі Ғали Есқалиев Жәңгір хан атындағы Батыс Қазақстан аграрлық-техникалық университетінде облысымыздағы ауыл шаруашылығы тауарларын өндірушілермен алқалы жиналыс өткізді.
Өңір басшысы, ең алдымен, университет фойесіндегі көрмемен танысты. Көрмеге тыңайтқыштарға қоса, өсімдіктерді қорғау және электронды бірдейлендіру құрылғылары, сонымен қатар түрлі нұсқаулықтар қойылған екен. Нұсқаулықтарда ауыл шаруашылығына қатысты пайдалы кеңестер және техниканы тікелей Еуропадан алдырып, кәсіпкерлерге сапалы қызмет көрсетіп отырған кәсіпорындар жайлы ақпараттар берілген.
Алқалы жиында өңіріміздің агрөнеркәсіп кешенінің хал-жағдайы жайында мағлұмат беріліп, аталмыш саланың даму бағыттары мен жетістіктері талқыланды. Ветеринариялық қауіпсіздік, жер және су шаруашылығы мәселелері де назардан тыс қалмады.
Жиында облыс әкімінің бірінші орынбасары А.Өтеғұлов облыстың ауылшаруашылық саласының дамуы туралы, ҚР Ауыл шаруашылығы министрлігі Жер ресурстарын басқару комитеті төрағасының орынбасары Алмас Алпамышев жер ресурстары саласында атқарылып жатқан жұмыстар туралы баяндаса, ауылшаруашылық дақылдары зиянкестерімен күресу тәсілдері және қуаңшылыққа төзімді құмай дақылы бойынша сала маманы, ғалым-агроном Алдаберген Нұғманов мәлімет берді.
Өзге де сала мамандары өңірдің ауылшаруашылығы саласының әлеуетін көтеру, жаңа инновацияларды өндіріске енгізу, күн тәртібіндегі мәселелер мен оның шешу жолдарын талқылады. Сондай-ақ, шаруалар тәжірибе алмасып, өңір басшысына толғандырып жүрген сауалдарды қойды.
БҚО әкімдігінің ресми парақшасы
Версия для печатиСоңғы жаңалықтар
Қалалықтар қаперіне
Қазақ тілін және тарихын білмейтіндерге Қазақстан азаматтығы берілмейді
17 Мамыр 2024
176 0
Қалалықтар қаперіне
«Мерейлі отбасы-2024» ұлттық конкурсының қалалық кезеңі өтеді
14 Мамыр 2024
485 0
Пікір үстеу