Air Astana РЕСЕЙДІҢ КЕЙБІР ҚАЛАЛАРЫНА ҰШАТЫН РЕЙСТЕРІН ТОҚТАТТЫ

Бұл туралы ақпаратты Алматы халықаралық әуежайының баспасөз қызметі таратты.

Air Astana компаниясы «өндірістік себептерге байланысты» Қазақстаннан Ресей Федерациясының қалаларына бірқатар рейстерді уақытша тоқтатуға мәжбүр болғанын хабарлады.

«Қазіргі уақытта Алматы мен Нұр-Сұлтаннан Мәскеуге/Мәскеуден рейстер қатынап жатыр. Air Astana өндірістік мәселелерді тезірек шешуге бар күш-жігерін салуда. Сәтті болса, Air Astana мен FlyArystan келесі аптаның басында Ресей қалаларына рейстерді қайта бастайды», – делінген хабарлама мәтінінде.

Сондай-ақ Ресей әуекомпаниялары Алматыға ұшатын рейстерін тоқтатты, Алматыға рейстерді «Аэрофлот», «Уральские авиалинии» және «Нордвинд» авиакомпаниялары орындап келген еді.

Zakon.kz.