КіруШЕКТЕУЛЕР КЕЗЕҢ-КЕЗЕҢМЕН АЛЫНАДЫ
Бүгін Мемлекет басшысы Қасым Жомарт Кемелұлы Тоқаевтың үндеуі жарияланды. Президент өз мәлімдемесінде төтенше жағдай режимі 11 мамырда тоқтатылатынын айтты. Бірқатар салалардың жұмысы қайта жанданатынын жеткізді. Осы орайда бүгін БҚО өңірлік коммуникациялар қызметі ұйымдастырған брифингте Орал қаласы әкімі Абат Шыныбеков облыстағы шектеу шараларының кезең-кезеңмен жұмсартылатынын мәлімдеді.
– Орал қаласында карантиндік шаралар кезең-кезеңмен қабылданып, жүзеге асырылды. 31 наурызда карантиндік режим енгізілді, 14 сәуірден бастап карантиндік режим күшейтіліп, бірқатар кәсіпорындар жұмысы уақытша тоқтатылды, кейбір салалардың қызметіне шектеулер қойылды. Бұл жағдайлар халыққа қолайсыздық тудырғаны түсінікті. Дегенмен, коронавирус инфекциясының таралуы шарықтау шегіне жеткен жоқ. БҚО бойынша коронавирус анықталғандардың 90 пайызға жуығы сырттан келгендер. Бірақ бұл жағдайға қарап, жергілікті тұрғындар арқаны кеңге салуға болмайды. Инфекцияның бетін қайтаратын әзірге вакцина жоқ екені айтылды. Сондықтан ауруды жұқтырмаудың алғышарты – өзімізді оқшаулау, гигиеналық сақтық шараларын қадағалау. Медицина саласы қызметкерлерінің, полицейлердің жұмыстары осыған бағытталып отыр. Осы талаптарды бұлжытпай орындауды жалғастыруға тиіспіз, – деді Абат Абайұлы.
Қазіргі жағдайда өңірдің әлеуметтік-экономикалық дамуына маңызды үлесі бар кәсіпорындардың жұмыстарын тұрақты түрде жалғастыруы басты міндет. Күшейтілген карантиндік режим кезінде ірі зауыттар мен кәсіпорындар, мемлекеттік тапсырыс аясында жұмыс жасайтын субъектілер жұмыстарын тоқтатқан жоқ. Олар өз қызметкерлерінің тасымалын барлық санитарлық талаптарды сақтай отырып ұйымдастырды. Шағын кәсіпкерлік субъектілері және қызмет көрсету, әлеуметтік саладағы ұйымдардың жұмысына шектеу қойылды. Сонымен қатар азаматтардың саяжайларына баруына да шектеу қойылды. Қоғамдық көлік қозғалысы тоқтады. Ал бүгін Мемлекет басшысы карантин талаптарын жеңілдетуді тапсырған еді. Бұл тапсырма облыстық жедел штаб отырысында қаралған.
– Мемлекеттік комиссияның шешімімен 27 сәуірден бастап өнеркәсіп, құрылыс саласы жұмыстарын жалғастырады. Ауыл шаруашылығы саласында қызмет көрсететін компанияларға, автокөліктерге техникалық қызмет көрсететін орталықтар, көлік жуу, дөңгелек жөндеу сервистері, автокөліктердің қосалқы бөлшектерін сату дүкендері, химиялық тазалау орындарына жұмыстарын жалғастыруға мүмкіндік берілді. Бұдан кейін де облыстық жедел штабтың шешімімен кезең-кезеңмен қалған салалардың жұмыстарының алгортимдері жасақталады, – деді Абат Абайұлы.
Ертең, 28 сәуірден бастап қалада қоғамдық көліктің қызметі жанданады. Дегенмен, уақыты шектеулі – автобустар желіге таңғы сағат 6.00-де шығып, 20.00-де аяқтайтын болады. Қоғамдық көлік иелері автобус салонында әр айналым сайын дезифекциялау жұмыстарын жүргізуі қажет. Бұл тиісті құрылымдық бөлімдер арқылы қадағаланады.
Сондай-ақ қала тұрғындарына тәуліктің кез келген уақытында көшеге шығып, серуендеуге рұқсат берілді. Қала әкімі азаматтарға өздерінің тұрғылықты мекенжайларынан қашық кетпеуді ұсынып отыр. Полиция қызметкерлері тоқтатқан жағдайда азаматтың жеке куәлігі өзімен бірге болуы тиіс. Қорғаныш құралдарын да тағып жүруді ұмытпаған жөн. Бір отбасы болып табылмайтын үштен артық азаматтардың топтасып тұруына болмайды.
– Кейбір қоғамдық орындар – сауда-ойын-сауық орталықтары, базарлар, қоғамдық монша немесе шаштараз салондары карантиндік режимнен шығуды сұрап отыр. Дегенмен, эпидемиологиялық ахуалға байланысты бір мезетте барлығын ашуға мүмкіндігіміз жоқ. Біз әлі адамдардың көп шоғырлануын болдырмауымыз қажет, – деді қала әкімі Абат Шыныбеков.
Карантиндік шаралар, әсіресе кәсіпорындар мен кәсіпкерлерге оңай болған жоқ. Бірқатары қызмет көрсетуді тоқтатты. Кейбір салалар бойынша қызметкерлері өз қауіпсіздіктері үшін үйден жұмыс жасап отыр. Мұның бәрі халықтың әл-ауқатына әсер етуде. Бірақ, мемлекет тарапынан жәрдемақы, зейнетақының берілуі тоқтаған жоқ. Табысынан айырылғандарға өтемақы төленді. Ол мамыр айында да берілмек. Белгіленген санаттар бойынша сәуір айының аяғында коммуналдық шығындар үшін өтемақы беріледі.
Версия для печатиСоңғы жаңалықтар
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу