КіруОРАЛДА 300-ДЕН АСТАМ КӘМЕЛЕТКЕ ТОЛМАҒАН ЖАС ПОЛИЦИЯНЫҢ ҚАДАҒАЛАУЫНА АЛЫНДЫ
Орал қаласында отбасылық-тұрмыстық қарым-қатынастағы қылмыстардың 12 пайызға артқаны байқалады. Бұл туралы бүгін Орал қаласы әкімдігінде өткен брифингте айтылды.
Осы орайда ҚР әкімшілік-құқықбұзушылық туралы заңының 73-бабында көрсетілген отбасы-тұрмыстық қатынастар аясындағы құқыққа қарсы әрекеттер жасағаны үшін 839 құқықбұзушы әкімшілік жауапқа тартылған.
Жасөспірімдермен жасалған қылмыс деңгейі азайып келеді. Бұл жергілікті атқарушы органның, білім беру, денсаулық сақтау салаларының бірлескен профилактикалық жұмысының нәтижесі. Десек те, кәмелетке толмағандардың түнгі сағат 23.00-ден кейін рұқсат етілмеген орындарда ересектердің қадағалауынсыз жүргені үшін 670 баланың заңды өкілі әкімшілік-құқықбұзушылық туралы заңының 442-бабына сәйкес және балаларының алдындағы міндеттерін орындамағаны үшін 67 ата-ана осы заңның 127-бабы бойынша жауапқа тартылса, жасөспірімдерге алкоголь өнімдерін сатқаны үшін 34 дүкеннің иесіне айыппұл салынған.
– Биылғы жылы әр түрлі санат бойынша 248 жасөспірім есепке алынды. Сондай-ақ 50 қолайсыз отбасы анықталды. Жалпы қала бойынша 362 кәмелетке толмаған жас, 109 қолайсыз жанұя есепте тұр. Бұл отбасыларда 196 бала тәрбиеленуде, – деді Ж.Дүйсемов.
Эльмира НҰҒМАНОВА
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу