Кіру59 мыңнан астам белсенді ерікті бар
Бүгін әлемнің бірқатар елінде дүниежүзілік Волонтер күні аталып өтеді.
1985 жылы БҰҰ Бас Ассамблеясы жыл сайын 5 желтоқсанда еріктілер күнін атап өтуді ұсынған болатын. Мысалы ЮНИСЕФ әлем бойынша ұйымның балалар құқығын қорғау миссиясын жүзеге асыруға көмектесетін еріктілер қозғалысы мен бастамаларын дамытуды қолдайды. 36 ел жаһандық волонтерлік бастамаға белсенді қатысады, оның ішінде Қазақстан да бар.
ҚР Мәдениет және ақпарат министрлігі де Қазақстандағы еріктілер қозғалысы белсенді дамып келе жатқанын, қоғам өмірінің түрлі салаларында маңызды рөл атқаратынын атап өтті.
«Біздің азаматтарымыздың волонтерлік қозғалысқа белсенді қатысуы және мемлекет тарапынан бұл үшін жағдай жасауы елдегі волонтерліктің дамуына ықпал етті. Мұны волонтерлік ұйымдардың – үш есеге (2020 жылы – 224, 2023 жылы – 680-нен астам), белсенді волонтерлердің – бес есеге (2020 жылы – 50 мың, 2022 жылы – 200 мыңнан астам, 2023 жылы – 240 мыңнан астам) өсуінің оң серпіні айғақтайды. Қазіргі уақытта 59 мыңнан астам белсенді еріктілер, волонтерлер үшін мыңнан астам жоба ұсынатын 3,5 мыңнан астам ұйымдар тіркелген», – деп жазылған министрлік хабарламасында.
Сонымен бірге, 2018 жылы Qazvolunteer.kz онлайн платформасы іске қосылған.
4-10 желтоқсан күндері «Волонтер болу оңай» қысқы мейірімділік апталығы басталды. Бұл бастама қоғам игілігі үшін волонтерлік бастамаларды көтермелеуге және іске асыруға бағытталған.
Еске сала кетсек, Президент Қасым-Жомарт Тоқаев 2020 жылды Волонтер жылы деп жариялаған еді.
Дереккөз: stan.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Еріктілермен бірге есірткі жарнамаларын жою акциясын өтті
«Құқықтық тәртіп» республикалық жедел-профилактикалық іс-шарасы жүруде
