Кіру50 ӨКПЕНІ ЖАСАНДЫ ЖЕЛДЕТУ АППАРАТЫ САТЫП АЛЫНДЫ
БҚО-ға республикалық бюджет қаражаты есебінен 35 өкпені жасанды желдету аппараты, жалпы сипаттағы трансферттер есебінен және жергілікті бюджет есебінен 15 өкпені жасанды желдету аппараты сатып алынды. Бұл туралы бүгін өңірлік коммуникациялар қызметі ұйымдастырған брифингте БҚО денсаулық сақтау басқармасы басшысының орынбасары Г.Әбдрахманова мәлім етті.
Жалпы облыс бойынша медициналық ұйымдар 195 ӨЖЖ аппараты, 645 оттегі концентраторы, 1063 пульсоксиметр, 198 оттегі көздері, 425 Бобров аппаратымен қамтамасыз етілген.
– Аудандық ауруханалар үшін 7 цифрлық рентген аппараты сатып алынды, оның ішінде 5-еуі Бәйтерек аудандық ауруханасына, Қаратөбе аудандық ауруханасына, Шыңғырлау аудандық ауруханасына, Бөрлі аудандық ауруханасына және Бәйтерек ауданының екінші ауруханасына ковидті пневмонияны диагностикалау үшін жеткізілді. Облыстық жедел жәрдем станциясы мен аудандық бөлімшелердің материалдық-техникалық базасын нығайту бойынша нақты жұмыстар жүргізілді. 37 реанимобиль сатып алынып, қазір жедел жәрдем қызметіне 100 автокөлік жұмылдырылды. Тәулігіне 650-ге жуық шақыруларға қызмет көрсетіледі, – деді Гүнлара Мақсотқызы.
Қазіргі уақытт 185 төсек-орынға арналған 4 карантиндік стационарда 46 науқас жатыр. 359 төсек-орындық 7 инфекциялық стационарда 126 адам емделуде. Олардың ішінде 39 реанимациялық төсек-орында 10 науқас ем алуда. Қосымша 2018 төсек-орындық резервтік қор дайындалған. Оның ішінде 1243 төсек-орын инфекциялық стационарларда, 775 төсек орын карантиндік стационарларда.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу