Кіру17 МИЛЛИОН ТЕҢГЕ «ҰРЛАНДЫ»
Оралдық полицей «ұрланған» 17 миллион теңгені тапты.
БҚО ПД баспасөз қызметінің хабарлауынша, 20 мамыр күні сағат 16.30 шамасында Орал қаласы полиция басқармасының 102 басқару кезекшілігіне қала тұрғынынан үйде сақтап жүрген 17 миллион теңгесі жоғалғаны туралы хабар түскен.
Шақырту орнына Орал қаласы полиция басқармасының тәжірибелі қызметкерлерінен жедел тергеу тобы жіберіліп, олар оқиға орнынан қылмыс іздерін және ақшаны іздей бастаған.
Тергеуші ресми жұмыстармен айналысып жатқан кезде техник-криминалист, полиция старшинасы Ғайнеден Ғұмаров пәтерді мұқият зерттеп, ілік іздеуге кіріседі. Әжетханаға кірген кезде ол нығыз оралған пакетті көрген. Пакетті алып, шағымданушыға ұсынғанда оның қуанышында шек болмапты. Өйткені, бұл ақша оның 2006 жылдан бері үй алу үшін салып жүрген жинағы екен.
Анықталғандай, шағым беруші қала тұрғыны ақшаны жасырған жерін ұмытып, пәтерден таба алмаған соң ұрланды деген оймен полицейлеге хабарласуды жөн көрген екен. Хабарласқаны да дұрыс болыпты. Криминалистің қырағылығының арқасында ақша табылып, «қылмыс ашылды».
Полиция старшинасы Ғ.Ғұмаров ішкі істер органында 2008 жылдан бері қызмет етіп келеді. Қазіргі қызметіне ауысқанына үш жылға жуық уақыт болған.
Полицейлер қала тұрғындарына ірі көлемдегі ақшаны үйде емес, банктерде сақтау сенімді екенін ескертеді.
Елмұра АСХАТҚЫЗЫ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу