КіруЖОО палуандары Жәңгір хан университетінде бас қосты
Жәңгір хан атындағы Батыс Қазақстан аграрлық-техникалық университетінде өткен Қазақ күресінен жоғары оқу орындары студенттері арасындағы республикалық лиганың финалдық кезеңі өз мәресіне жетті.
Екі күнге созылған палуандар жарысына Абай атындағы Қазақ ұлттық педагогикалық университеті, Әл-Фараби атындағы Қазақ ұлттық университеті, А.Байтұрсынов атындағы Қостанай өңірлік университеті, Павлодар педагогикалық университеті, Қожа Ахмет Ясауи атындағы халықаралық қазақ-түрік университеті, Қ.Жұбанов атындағы Ақтөбе өңірлік университеті, Жәңгір хан атындағы Батыс Қазақстан аграрлық-техникалық университетінің ерлер және қыздар командалары қатысты.
Жәңгір хан университетінде тұңғыш рет ұйымдастырылған спорттық іс-шараның ашылу салтанатында сөз алған жоғары оқу орнының басқарма төрағасы-ректор Асқар Наметов жарыстың маңызына тоқталып, өз деңгейінде ұйымдастырылуына қолдау көрсеткен ҚР Білім және ғылым министрлігі жанындағы «Ұлттық ғылыми-практикалық дене тәрбиесі орталығына», Қазақ күресі федерациясының тұңғыш президенті, ҚР еңбек сіңірген жаттықтырушы, спорт шебері Ерғали Мұхиддинұлына, БҚО қазақ күресі ассоциациясының президенті Әсет Сұлтанұлына, Орал қаласы дене шынықтыру және спорт бөлімінің басшысы Артур Мұратұлына алғыс білдірді.
Екі күнге созылған тартысты бәсекеде жалпы 7 оқу орнынан қатысқан командалар құрамында 56 палуан жігіт пен 28 студент қыз боз кілемде белдесті. Өз командаларының намысын қорғаған студенттер жақсы дайындықпен келгендерін байқатып, барлық шеберліктерін аянып қалмады.
Жарыс қорытындысы бойынша ерлер және қыздар арасындағы қос бірдей жеңісті Қожа Ахмет Ясауи атындағы халықаралық қазақ-түрік университеті қанжығасына байлап кетті. Жүлделі 2-орынды Абай атындағы Қазақ ұлттық педагогикалық университетінің ерлер және қыздар командалары жеңіп алды. Ал Қ.Жұбанов атындағы Ақтөбе өңірлік университетінің палуан жігіттері 3-орынға табан тіресе, алаң иелері – Жәңгір хан университетінің қыздар командасы да осы тұғырдан көрінді. Сонымен қатар Жәңгір хан атындағы Батыс Қазақстан аграрлық-техникалық университеті студенттері Әділбек Сеисов пен Риза Сүлейменова «Үздік техникасы үшін» аталымымен марапатталды. А.Байтұрсынов атындағы Қостанай өңірлік университетінің студенті Елшат Құрбанов пен Павлодар педагогикалық университетінің студенті Гаухар Омар «Жеңіске деген жігері үшін» аталымын иеленді.
Еске сала кетсек, ЖОО студенттері арасындағы республикалық лиганы ҚР Білім және ғылым министрлігі жанындағы «Ұлттық ғылыми-практикалық дене тәрбиесі орталығының» қолдауымен университетіміздегі «Жәңгір хан» спорт кешені мен БҚО қазақ күресі қауымдастығы, Орал қалалық спорт және дене шынықтыру бөлімі ұйымдастырды.
БҚАТУ медиа орталығы
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу