КіруОралда қала күніне орай І халықаралық «JAIYQ SAZY» этнофестивалі өтті
Биыл Орал қаласының туған күні ерекше форматта аталып өтті.
Қала күніне арналған мерекелік шаралар легі мәдени бағдарламамен жалғасты. Тұңғыш Президент алаңында ашық аспан астында алғаш рет Халықаралық «JAIYQ SAZY» этнофестивалі ұйымдастырылып, Жайық өңірінің өнері мен ұлттық мәдениеті кеңінен таныстырылды.
Фестиваль сахнасында еліміздің бірнеше қаласынан және шетелден келген өнерпаздар бас қосты. Астана, Алматы, Ақтөбе қалаларының шығармашылық өкілдерімен бірге Түркиядан Murat Yaprak, Өзбекстаннан Севарахон Туланова өнер көрсетіп, халықаралық мәдени байланыстың аясын кеңейтті.
Көрермен назарына дәстүрлі және заманауи өнерді ұштастырған концерттік бағдарлама ұсынылды. Кеш барысында халық әндері мен күйлері орындалып, терме, жыр, ұлттық би және эстрадалық шығармалар шырқалды.
Ұлттық өнердің өзегіне айналған Батыс әншілік мектебі де фестиваль бағдарламасынан кең орын алды. Мұхит Мерәліұлының шығармалары орындалып, Жайық өңіріне тән дәстүрлі өнер үлгілері дәріптелді. Сонымен қатар «Салтанат», «Ақжайық», «Атамекен» және басқа да би ансамбльдері көрерменге ұлттық хореографияның көркем туындыларын ұсынды.
Мерекелік кеш барысында облыс әкімі Нариман Төреғалиев құттықтау сөз сөйлеп, өңірде атқарылып жатқан жұмыстардың нәтижелеріне тоқталып, алдағы ауқымды жоспарлар мен маңызды міндеттерді атап өтті.
«Басты мақсат – Орал қаласын еліміздегі үлгілі қалалардың біріне айналдыру. Біз Оралды тұрғындар үшін жайлы, қауіпсіз әрі бұдан да көрікті қалаға айналдыру бағытындағы жұмыстарды жүйелі түрде жалғастыра береміз», – деді облыс әкімі.
Сахна төрінде өнер көрсеткен Жұбаныш Жексенұлы, Мақсат Рахмет, Тұрар, Баянсұлу сынды әншілер өз орындауларымен көрермен ықыласына бөленді.
«JAIYQ SAZY» фестивалін өткізудегі негізгі мақсат – ұлттық өнердің құндылығын арттырумен қатар, тарихи-мәдени мұраны дәріптеу және өнер арқылы түрлі елдер мен өңірлер арасындағы байланысты күшейту.
Жаңа мәдени жоба дәстүрлі өнерді заманауи сахнамен сабақтастырып, Оралдың шығармашылық кеңістігін жаңа бағытпен толықтырды. Жайықтың тарихы мен өнерін танытатын мұндай бастамалар өңірдің мәдени әлеуетін арттыруға мүмкіндік береді.
Жайықтың сырлы сазы – ұрпақтан-ұрпаққа жалғасқан рухани мұра. Ұлттық өнеріміз ұлықталып, мәдени бастамаларымыз көбейе берсін!
Туған күніңмен, Орал!
Жайық үні
Соңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
