КіруЖОЛ ҚҰРЫЛЫСЫНДАҒЫ ОЛҚЫЛЫҚТАР ЖОЙЫЛДЫ
Жол құрылысының сапасын бақылауда ұстау мақсатында Орал қаласы әкімдігі «Жол активтері ұлттық сапа орталығы» РМК өңірлік филиалымен келісім жасаған. Келісімшартқа сәйкес «Жол активтері ұлттық сапа орталығы» өңірлік филиалы қала ішіндегі жүргізіліп жатқан жол құрылысы нысандарында лабораториялық тексеру жұмыстарын жүргізуде. Жол инженерлерінің сөзінше, тексерілген сараптама қаладағы жол құрылыстары бойынша ақаулықтардың көп екенін көрсеткен. Мәселен, Матросов көшесіндегі салынып жатқан жолға пайдаланылған құрылыс материалдарында кемшілік анықталған еді. Бүгінде мердігер компания кемшілікті түзеп, олқылықтың орнын толтырыпты. Құрылыс аяқталуға тәмам.
А.Матросов көшесіне жол салуды «Иском» ЖШС жауапкершілігіне алған. Салынуы тиіс жолдың жалпы ұзындығы – 2500 метр. Сондай-ақ жобада ағынсулар үшін арық, жаяу жүргіншілерге арналған жол салу да көзделген. Мердігер компания құрылысқа қолданған тротуардың жиектасы да, төселген қиыршықтастың да тығыздығы өте төмен екені белгілі болды. Жолдың алғашқы қабаты – құмды-қиыршықтасты қоспаны (ПГС) төсеген. Алайда, қиыршықтасы аз болғандықтан, бұл қоспа сапаға сай болмай шықты. Бұл олқылықты «Жол активтері ұлттық сапа орталығы» өңірлік филиалы қала ішіндегі жүргізіліп жатқан жол құрылысы нысандарында лабораториялық тексеру жұмыстарын жүргізу барысында анықтады. Сол себепті мердігерлер бұл төсемді алып тастады. Бүгінде құрылыс барысында кеткен кемшіліктер түгелдей қалыпқа келген. Бұл туралы мердігер мекеме басшысы Рафик Мамедов мәлімдеді.
– Жол құрылысына қажетті материалдар жергілікті жерде өндірілмейтіндіктен, біз сатып алынған өнімдер сапасына жауап бере алмаймыз. Алайда, кеткен кемшіліктер толықтай қайта қалыпқа келтірілді. Нысанды қазан айына дейін пайдалануға береміз деп жоспарлап отырмыз,– дейді Р.Мамедов.
Аталған көшедегі жол құрылысы жұмысына 100-ден аса адам жұмыс жасауда. Олардың 70-і «Жұмыспен қамтудың жол картасы» бағдарламасы аясында келісімшарт бойынша қызметке тартылғандар. Бүгінде жол жұмыстарының 80 пайызы аяқталған.
Оралда 55 көшенің жолы салынуда. Олардың 33-і «Жұмыспен қамтудың жол картасы» бағдарламасы бойынша биыл басталған, қалғаны өткен жылдан ағымдағы жылға жалғасқан жобалар. Оралдағы жөнделіп жатқан жұмыстардың барлығы қыркүйек айының соңына дейін аяқталады деп жоспарланып отыр. Яғни жұмыстардың сапалы атқарылуы ауа райына тікелей байланысты. Ал тротуарлар мен жол бойындағы белгілер межелі шаралар аяқталған соң қолға алынбақ.
Айнара ИСА,
zhaikuni.kz
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу