КіруЖЕРЛЕСТЕРІ ЕРЖАН МАКСИМДІ ҚҰРМЕТПЕН КҮТІП АЛДЫ
30 сәуір күні батысқазақстандықтар «Орал» халықаралық әуежайында «Голос.Дети» тележобасының вице-чемпионы Ержан Максимді күтіп алды.
Ержанды күтіп алуға туыстарымен қатар қала әкімінің орынбасары Б.Нарымбетов, облыстық мәдениет басқармасы басшысының орынбасары Сайран Дүйсентегі, мәдениет саласының қызметкерлері, ұстаздары мен сыныптас-достары және жас дарынның жанкүйерлері жиналып, ұшақтан түскеннен-ақ қошемет көрсетті.
– Тележобаға қатысқаныма қуаныштымын және әділ өтті деп санаймын. Әрине, көңілім түсті. Бірақ, екінші орын алғаным дұрыс болды деп ойлаймын. Егер бірінші орын алған болсам, барлығы мені құттықтап, кейін ұмытып кетер еді. Ал қазір бәрі мені қолдауда. Туған жерімді, үйімді сағындым. Бұл байқаудың маған бергені көп болды. Маған қолдау көрсеткен жанкүйерлерімен рахметімді айтамын. Алдағы уақытта да байқау, концерттерге қатысамын. Қазір ұсыныстар көп түсуде. Италияға, Ұлыбританияға оқуға шақырды. Ресейлік сазгер Игорь Крутойдан ұсыныс болса, Мәскеуге көшсек деймін. Олай болмаса, еліміздің астанасы – Нұр-Сұлтан қаласына қоныс аударуымыз мүмкін, – деді Ержан Максим.
Ержанның анасы Гүлмира Әлібек бірер күн бұрын ҚР Мәдениет министрі Арыстанбек Мұхамедиұлымен кездесуде Нұр-Сұлтанға көшу туралы ұсыныс болғанын, бірақ бұл әлі де отбасы мүшелерімен кеңесе қабылданатынын жеткізді.
– Ержанның музыкалық білім деңгейін көтеріп, өсуі қажет. Сондықтан ұсыныстан бас тартпағанымыз жөн болар. «Голос.Дети» өте жоғары деңгейдегі байқау. Екінші орын болғанымен, Ресей халқының оң пікір білдіріп жатқанына қуандық. Қорытындыны хабарлағаннан кейін-ақ Ресейдің белгілі жұлдыздары Ержанға жылы сөздерін айтып, қолпаштап жатты. Шынайы ықыластарына бөлендік. Сол себепті еш өкпеміз жоқ, – деді Гүлмира Әлібек.
Айта кетейік, Ресейдің бірінші арнасында өткен «Голос.Дети» тележобасында жерлесіміз екінші орын алған болатын. Бірінші орын әнші Алсудың қызы Микелла Абрамоваға берілді. Бірақ, көпшілік мұның әділ болмағанын, қазақстандық өнерпаз жеңіске жетуі тиіс екенін айтып, наразылықтарын білдірген еді.
Эльмира НҰҒМАНОВА
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу