КіруӨЗГЕНІҢ МҮЛКІН ҰРЛАҒАНДАР ҰСТАЛДЫ
Сәуір айында тіркелген ұрлық қылмыстарының барлығы дерлік тәртіп сақшыларының кәсіби шеберліктері мен қырағылықтары нәтижесінде ашылды.
6 сәуірде шамамен сағат 17.00-де 13 учаскелік полиция пункітіне М. есімді азамат телефон шалып, «Ваз 2112» маркалы көлігінен жеке мүліктерінің ұрланғанын хабарлап айтқан. Оқиға орнына барған сол аймақтың учаскелік полиция инспекторы полиция аға лейтенанты Талғат Өтешов күдікті деп танылған қала тұрғынын құрықтады. Орал қ.ПБ-ның жедел-тергеу тобы шақырылып, күдіктіні полиция қызметкерлері басқармаға жеткізді.
13 сәуірде бір азаматша тәртіп сақшыларына хабарласып, 12 сәуірде ұрлық болғанын айтып, күдікті тұлға туралы да мәлімет берген. Көп кешікпей Захаров көшесіндегі 27-үйде орналасқан «Мария» дүкеніне кірген Л.есімді азаматшаның шкафта тұрған «Айфон» маркалы ұялы телефонының қуаттағышын ұрлап кеткені анықталды. Шағымданушыға 10 000 теңге шығын келген еді. 2001 жылғы азаматша ұсталып, арыз бойынша жұмыстану үшін оның қылмыстық әрекеті туралы мәліметтер анықтау бөліміне тапсырылды.
14 сәуірде 1989 жылғы Е. есімді азаматша учаскелік полиция инспекторына шұғыл хабарласып, 1957 жылғы В. есімді азаматтың шкафына қол салып, шкафта тұрған 5 000 теңгені ұрлап кеткенін айтқан. Күдікті ақшаны ұрлап, үйден шығып кеткен. Мекенжайға барған полиция капитаны Алмасбек Ғайсиннің қолына түскен күдікті ақшаны ұрлағанын мойындады.
14 сәуірде Орал қ.ПБ ЖПҚб УПИ-ның көмекшісі полиция лейтенанты Айдар Дусалиев түнгі патрульдеу кезінде сағат 01.10 шамасында «Орал-Желаев» трассасы мен «Қызылжар» көшелерінің қиылысында бір көлікті тоқтатады. 1986 жылғы, Орал қаласының тұрғыны М. есімді көлік жүргізушісінің масаң күйде рөлде жүргені анықталды. Сот- медициналық сараптаманың қорытындысында алкоголь ішімдігін ішкені расталды. Көлік арнайы автотұраққа қойылып, жүргізушіге әкімшілік хаттама толтырылды.
17 сәуірде 15 УПП-нің инспекторларына қоғамдық көмекшінің жәрдемдесуі нәтижесінде бір ұрлық фактісі жарты сағат ішінде ашылды. 1997 жылғы А. есімді азамат хабарласып, белгісіз тұлғаның сеніміне кіру арқылы 4 дана сыра бөшкелерін алып кеткенін, кері қайтармай, 100 мың теңге көлемінде материалдық шығын келтіргенін айтқан. Осы мезетте полиция майоры А Мұхамедияров істі дереу қолға алды. Ал полиция қызметкерлеріне қол ұшын созған полицияның қоғамдық көмекшісі алаяқтықпен алдап, ізін жасырған бейтаныс тұлға туралы мәліметтер жеткізді. Нәтижесінде 1981 жылғы П. есімді күдікті ұсталды. Ол өзгенің сеніміне кіріп, сыра бөшкелерін алдап алғанын мойындап, алаяқтығы әшкереленді. Алдағы күндері осы қылмыстарға қатысы бар күдіктілер заң алдында жауапталады.
Сондай-ақ осы айда ақпан айында жасалған қылмыс ашылды. 26 ақпанда «Астана» ықшам ауданындағы «Алтындар» сауда үйінде ұрлық фактісі орын алған еді. Алайда, ұрлыққа жол берген азаматша «әп» дегенде қолға түспеді. Күдіктінің соңына түскен Орал қ.ПБ ЖПҚб инспекторы полиция майоры Альберт Ералы 6 сәуір күні 1998 жылғы, «Зачаганск» ауданының тұрғыны Д.есімді азаматшаны ұстап, басқармаға жеткізді. Ол ұрлық жасағанын толықтай мойындады.
Полиция қызметкерлері қоғамдық қауіпсіздікті қамтамасыз ету, көше қылмыстарына тосқауыл қою, жол-көлік апаттарының алдын алу, түнгі қаланың тыныштығын күзету, т.б. іс-шараларды мінсіз атқарып, қызмет сапынан табыла бермек.
Орал қ.ПБ баспасөз қызметі
Версия для печатиСоңғы жаңалықтар
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Пікір үстеу