Кіру«ШАҢЫРАҚТАҒЫ» ЖАҢА ЖЫЛ
«Шаңырақ» жасөспірімдер үйінің тәрбиеленушілері жаңа жылды ерекше көңіл-күймен қарсы алды. Қалалық мәслихат депутаты Ләззат Рысбекова, «МеталИнвестАтырау» ЖШС директоры Игорь Ишкулов, «Сібір денсаулығы Астана» ЖШС басшысы Абай Кулгатов бүлдіршіндерді доңыз жылымен құттықтап, мерекелік сый-сияпаттарын әкелді.
Бұл күні балалардың қуанышында шек болмады. Бүлдіршіндерге Аяз ата мен ақшақар, ертегі кейіпкерлері, сайқымазақ қонаққа келіп, балалармен бірге шыршаны айналып, ән айтып, би биледі, түрлі ойындар ойнатты.
«Шаңырақ» жасөспірімдер үйінің директоры Өмірбай Қалымбетов – 18 жыл ғұмырын жетім балалар тәрбиесіне арнапты. Аталмыш кешен тек 18-23 жасқа дейінгі жастарға ғана арналған. Әйткенмен, мұндағы тағдыр теперішін көрген жандар орда бұзар отызында да осы интернатты паналап отыр. Араларында үйлі-баранды болғандары да бар. – Бүгінгі таңда мұнда 118 балалар үйінің түлектері тұрып жатыр. Оның 35-і отбасын құрғандар, 15-і жалғызбасты аналар. 66-ы кішкентай бүлдіршін болса, 37-сі іргедегі №4 орта мектепте білім алып жүр, бесеуі балабақшада. Бір қуанарлығы, жақында Тәуелсіздік күні мерекесі қарсаңында облыс әкімі Алтай Көлгінов «Шаңырақтың» 40 түлегіне жаңа пәтердің кілтін табыстады, – дейді Өмірбай Рыспайұлы.
Бұдан бөлек демеушілер балаларды ойын-сауық орталықтарына шырша тойына шақырды.
Кәусар БАЙҒАЛИЕВА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу