КіруКөңіл айтамын!
Бүгін, қиын-қыстау шақтарда ақ жаулығы желбіреп жүріп, алты баласын аялап өсірген, Рейстахқа ту тіккен Ұлы Отан соғысының ардагері Шамақ Нуповқа адал жар болған, шаңырағының шаттығы, ұрпақтарының ғазиз анасы
Нупова Гүлдірайһан Абдолқызы мынау бес күндік фәни жалғаннан озды. Бұл қайғылы қазаны естіп, Жайық жұртымен бірге менің де көңілім толқыды. 🍂
Мен, Нуповтар жанұясымен 2004 жылдан бері жақсы таныспын. 2004 жылы сәуірде алғаш рет Шамақ атаның қара шаңырағын ұстап, шамын жарқырата жаққан Гүлдірайһан апаны редакция тапсырмасымен үйіне іздеп бардым. (Бәрі Райса апа деп атайтын.) Әңгімеміз Шамах атаның сұрапыл соғыстағы өшпес ерлігімен өрбіді.
« – Не бары он жеті жасында өзі сұранып соғысқа аттанған Шамақ жаудың өртін әбден сөндіріп, 7 жыл өткен соң елге оралды. Берлинді жаудан біржолата азат етіп, Рейхстагқа ту тікті. Солдаттармен бірге сол маңдағы қабырғаға «Нұпов» деп жазды. Алайда, Ұлы Жеңістің 60 – 65 жылдығын көре алмады. Әулетімнің діңгегі 75 бес жасында дүниеден озды. Өзі Ресейде туса да, ел-жұртын, атамекенін аңсап өсті. Ақыры, 1973 жылы біз алты баланы жетектеп, Тасқалаға көшіп келдік. Кейін Оралға қоныс тептік,» – деп Райса әжей сыр тиегін ағытып еді, сонда.
Сөйтіп, Шамах Нупов туралы «РЕЙХСТАГҚА АТЫН ЖАЗЫП ҚАЛДЫРҒАН» атты мақалам көп ұзамай облыстық «Орал өңірі» газетінде жарық көрді.
Гүлдірайһан анамыздың қыз кезіндегі ата-тегі Абдолова. Абдол – Нарын құмдағы атақты Тапал қажының бес баласының ортаншысы. Дәурені жүріп тұрғанда қажылыққа барып, мешіт пен медресе салып, жомарттығын ұлт руханиятына жұмсаған адам. Сол секілді туған атасы Тапал да тектінің тұқымы. Осындай әулеттен тараған апамыз туған елге келген соң Тасқаладағы «ПМК-5» құрылыс мекемесінде сылақшы болып зейнеткерлікке шыққанға дейін жұмыс істеді. Күш-қайратын елінің өсуіне жұмсап, бірнеше төсбелгіні кеудесіне тақты. Шамақ ата екеуі ауылда қарапайым тірлік кешіп, ұл-қыздарын қанаттандырды.
🍁Иә, «Өтпейтін өмір жоқ. Сынбайтын темір жоқ» дейді дана халқымыз.
Сондықтан, Гүлдірайһан анамыздың өмірден өтуіне байланысты ел азаматы Құндыз Шамахұлына және барша Нуповтар отбасына, ағайын-бауырларына қайғырып көңіл айтамын.
Ақ Жайықтың аяулы анасы, асыл әжесі бола білген Гүлдірайһан Абдолқызының жаны жәннәттә болсын. Фәни ғұмырындағы игі-істері, ел-жұртқа жасаған жақсылықтары бақи өмірінде сауабына жазылсын. 🙏
Бақұл болыңыз, Райса әже!🥀
Мира Хамзақызы
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
