КіруҚонаевтағы дрон-шоу: Қазақстан картасы, референдумға шақыру және Наурыз мерекесімен құттықтау
Алматы облысында цифрлық технологияның мүмкіндіктерін көрсеткен ерекше дрон-шоу өтті. 500-ден астам дрон Қонаев қаласының көгінде қалықтап, көрермендерге әсерлі жарық композицияларын ұсынды.
Аспанда Қазақстан картасы бейнеленген сәтте жиналған жұрт ерекше қуанышын жасыра алмады.
Одан бөлек, шоу барысында ұлттық құндылықтарды айшықтайтын, қазақ халқы үшін береке мен бірліктің белгісі саналатын шаңырақ бейнесі, көктем мен жаңарудың нышаны – қызғалдақ гүлі мен Digital Nauryz, «Наурыз құтты болсын!» деген мерекелік жазу бейнеленді. Дрондар арқылы «Қазақстан», «Алматы облысы» деген жазулар да пайда болды. Бұл өңірдің ел дамуындағы орны мен маңызын білдіретін символдық көрініске айналды.
Шоу барысында ел өміріндегі маңызды саяси оқиғаға арналған композициялар да ұсынылды. Аспанда «15 наурыз – референдум» және «Жаңа Конституция» деген жазулар пайда болып, алдағы республикалық референдумның мәні мен маңызын жеткізді. Сонымен қатар дауыс беру белгісі бейнеленіп, азаматтық жауапкершілік пен әрбір азаматтың өз таңдауын жасау құқығы символдық түрде көрсетілді.
Дрон-шоуды тамашалауға 5000-нан астам көрермен жиналды, олардың қатарында Алматы облысы әкімінің орынбасары Ғани Майлыбаев, коалиция мүшелері, зиялы қауым өкілдері де болды. Жиналған көпшілік алдында Алматы облыстық Ардагерлер кеңесінің төрағасы Ерболат Тұрымбетов пен Алматы облыстық Қоғамдық кеңесінің төрағасы Қазыбек Дауталиев сөз сөйлеп, облыс халқын референдумға белсенді қатысуға шақырды.
«15 наурыз күні әр азамат өз таңдауын жасайды. Бұл – жастардың Конституциясы. Өйткені онда жастардың дамуына, тұлға ретінде қалыптасуына және ел экономикасының ілгерілеуіне басымдық берілген. Әрқайсымыз өз дауысымызды беріп, референдумға қатысайық», – деді Ерболат Тұрымбетов.
Қазыбек Дауталиев өз сөзінде қазіргі Конституцияның ел дамуына 30 жыл қызмет еткенін атап өтіп, жаңа құжаттың маңыздылығына тоқталды.
«Қазақстанның қолданыстағы Конституциясы халыққа 30 жыл қызмет етті. Бүгін біз егемен ел ретінде жаңа маңызды құжатты қабылдау мүмкіндігіне ие болып отырмыз. Жаңа Конституция жобасында еңбек құқық ретінде белгіленген. Яғни халықты жұмыспен қамту – мемлекеттің маңызды міндеттерінің бірі», – деді ол.
Дрон-шоудан кейін кеш концерттік бағдарламамен жалғасты. Шара барысында қала тұрғындарына республикалық референдум туралы ақпараттық брошюралар таратылды.
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
