КіруСАЯСИ ҚУҒЫН-СҮРГІН ҚҰРБАНДАРЫН ЕСКЕ АЛЫП, АЗА ТҰТТЫ
Бүгін Саяси қуғын-сүргін құрбандарын еске алу күні. Осыған орай оралдықтар қала шетіндегі жаңа зират маңына жиналып, тоталитарлық жүйенің жендеттері жазықсыз қуғынға ұшыратып, қатыгездікпен жазаланған отандастарымыздың рухы алдында аза тұтты. Азалы жиынға облыс әкімі Алтай Көлгінов, облыстық мәслихат хатшысы Мәлік Құлшар, қала әкімі Мұрат Мұқаев, ардагерлер мен қала тұрғындары қатысып, саяси қуғын-сүргін құрбандарына арналған ескерткіш белгіге гүл шоқтарын қойып, құран бағыштады.
Елбасының 1997 жылғы 5-сәуірдегі Жарлығымен 31 мамыр саяси қуғын-сүргін және ашаршылық құрбандарын еске алу күні болып жарияланды. Бұл күндер халқымыздың басынан өткен төл тарихтың белгісіз болып кеткен беттерін терең ұғынуы үшін, сол қателіктердің болашақта қайталанбауы үшін қажет. Статистикаға сүйенсек, ХХ ғасырдың бейбіт кезеңдерінде әлемнің түрлі елдерінде 170 млн. адам мерт болған екен. Ал саяси қуғын-сүргін болған 1927-53 жылдары Қазақстанда қуғын-сүргінге 103 мың адам ұшырап, 25 мың адам атылған. Солардың арасында батысқазақстандықтар да болды.
Азалы жиында Тәжиден Батырұлы атындағы қалалық мешіттің бас имамы Мейрамбек Әбдрахманов қуғын-сүргін құрбандарына құран бағыштады. Орал епархиясы әйелдер монастырының игумені Стефан Капинос христиандық діни рәсім-жоралғысын орындады. «Бүгін барша еліміз үшін айрықша күн. Сонау, өткен ХХ ғасырдың отызыншы жылдары «халық жауларын» анықтау бойынша жоспарлы жүргізілген саясаттың салда-рынан талай боздақ қуғынға ұшырады, тіпті олардың жақын-туыстары да жапа шекті. Бүгін біз солақай саясаттың құрбаны болған қазақтың ұл-қыздарын еске алу үшін жиналдық. Жастарымызды тарихты ұмытпауға тәрбиелеуіміз керек. Зорлық пен зомбылық көріп көз жұмған бауырларымыздың ерлік күресі, қастерлі есімдері ешқашан ұмытылмақ емес. Олардың рухын қастер тұтып, басымызды иеміз» деді БҚАТУ доценті Болатқали Төлебаев.
Бұдан соң жиналғандар саяси қуғын сүргін құрбандарына арналған ескерткішке гүл шоқтарын қойды. Жиын соңында облыс әкімі Алтай Көлгінов Саяси қуғын-сүргін құрбандарына арналған ескерткіш қайта жаңғыртылатынын жеткізді.
Кәусар БАЙҒАЛИЕВА
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу