КіруСӘУЛЕНІҢ ӘНІН САҒЫНЫПТЫ …
Облыстық қазақ драма театрында ҚР еңбек сіңірген әртісі Сәуле Таудаеваның «Ақжайықтың ән Сәулесі» атты шығармашылық кеші өтті.
Қазақтың дархан даласы қандай кең болса, осынау далада дүние есігін ашқан дарабоз дарындылар да жетерлік. Алты алашқа ән оздырған Мұхит пен Ғарифолла, ән мұрасын жалғаған Жақсылық Сәрсенғалиев, Қаламқас Орашева, Қалампыр Рахимовалардың ізін басып, өнерін дәріптеп жүрген, ерекше дауыс иесі, дәстүрлі әннің сандуғашы атанған Сәуле Таудаеваның кешіне барша өнер сүйер қауым жиналды. Сондай-ақ өнерді дәріптеп жүрген сахна саңлақтары – Қарағанды қаласынан Республикалық дәстүрлі әншілер байқауының лауреаты Бақыт Төлеуханова, Алматы қаласынан Мақсат Тілепберген және Мейрамгүл Орашева, Атырау қаласынан Қайрат Кәкімовтер қатысты.
Шара барысында кеш иесін құттықтаған мәдениет, архивтер және құжаттама басқармасының басшысы Қадырболат Мұсағалиев ҚР Мәдениет және спорт министрлігінің Алғыс хатын табыстаса, ал «Салалық мәдениет, спорт және ақпарат қызметкерлерінің кәсіптік одағы» қоғамдық бірлестігінің БҚО филиалының төрағасы Айдар Батырханов әнші кеудесіне «Еңбек даңқы» төсбелгісін тақты. Ақжайық ауданы мәдениет және тілдерді дамыту бөлімінің басшысы Гүлбану Дәрібайқызы аудан әкімі атынан құттықтады.
«Ақжайық» би ансамблінің әсем биімен түрілген кеште әнші Сәуле Таудаева Мұхиттың «Көк айдай», Ғарифолла Құрманғалиевтің «Ақжайық», халық әні «Желкілдек», Хаттар Дүйсенәлиевтің «Әнші үні», Қисаның «Сағындым Жайық» әндерін әуелетті.
С.Таудаеваның әншілік қырымен қоса, шәкірт тәрбиелеу жолындағы еңбегін ерекше атап өтуге болады. «Бұлақ көрсең – көзін аш» демекші, күні бүгінге дейін бойында ұлттық өнерге деген таланты мен талабы бар қаракөздерімізді тәрбиелеп, олардың үлкен сахнаға қанат қағуларына себепкер болып келеді. Қазіргі таңда әншінің тәлімін алып жүрген талантты шәкірттерінің өнері көпшілікке белгілі. Концертте дәстүрлі әншілер шеруінде Д.Елеуов, А.Мұхаметжанова, З.Қасымова (Астана қаласы), Н.Қабиева, Э.Таудаева (Маңғыстау облысы) Ф.Оразовтар өнер көрсетті.
Батыс, Арқа, Жетісу ән мектебімен қатар, Сәуле апамыздың репертуары Нартай, Базар жырау, Әбубәкір Кердері, Өмір Көшекбайұлы және Марабай жыраулардың жыр термелерімен де бай екендігі баршаға аян. Осы орайда жезтаңдай әнші-термеші Базар жыраудың «Домбыраны қолға алып», Майлықожаның «Жақсы бір адам қартайса», Әбубәкір Кердерінің «Құрметсіз өткен өмірден», Өмір Көшекбайұлының «Ал әлеумет құлақ сал», Марабай жыраудың «Сөйле дедің біздерге» атты термелерін орындап, жиналғандардың құлақ құрышын қандырды. Сонымен қатар Сәуле Жаманқызы халықаралық «Серпер», «Жұбанов көктемі» фестивальдерінің лауреаты Дәулеткерей атындағы қазақ халық аспаптары оркестрінің сүйемелдеуімен де ән айтып, көрерменнің зор ілтипатына бөленді. Сондай-ақ Ғ.Хибашевтың «Әкешім бәйтерегім», М.Балмолда, Г.Нұрасыловалардың «Анамның жаққан ошағы» әндерін шырқаған Сәуле Жаманқызының қазіргі заман компазиторларының лирикалық-эстрадалық әндерінің де шебер орындаушысы екеніне тағы да көзіміз жетті.
Жыршылық дәстүрдің жұлдызы атанған, Қазақстанның еңбек сіңірген әртісі Қаламқас Орашеваның өнерін жалғап жүрген туған сіңлісі, танымал жыршы ҚР Мәдениет саласының үздігі М.Орашева, ҚР Мәдениет қайраткері, Құрманғазы оркестрінің мүшесі, домбырашы, М.Тілепберген, «Құрмет» орденінің иегері, ҚР Мәдениет қайраткері Қ.Кәкімовтер де өнерден шашу төкті.
Әншінің өмірдегі һәм өнердегі үзеңгілес замандастарының бірі, ҚР «Мәдениет саласының үздігі» Зияш Аманғалиева, қасиетті өнерді жанына серік еткен, «Ерен еңбегі үшін» медалінің иегері, ҚР мәдениет қайраткері, әншінің жары Сағадат Рахметжановтар тамаша өнер көрсетіп, шараның шырайын айшықтай түсті.
Концертте өнер иесінің ұлы Данияр Рахметжанов «Махамбеттің ұраны» авторлық шығармасын орындап, көрерменнің қошеметіне кенелді.
Өз тілшіміз
Версия для печатиСоңғы жаңалықтар
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Пікір үстеу