КіруСұрақ-жауаптан басталған сессия
Бүгін ғана өткен облыстық мәслихаттың кезекті 14-ші сессиясында алдымен сұрақ-жауапқа уақыт бөлініп, депутаттар бірқатар өзекті мәселені ортаға салды. Мәселен, облыстық мәслихат депутаты Әнуар Агаев жол құрылысына қажетті құрылыс материалдары, оның ішінде битумнің өңірге 1-қазаннан бастап тасымалданбай отырғанын мәлімдеді. Оның айтуынша, құрылыс материалдарының уақытылы аумаққа жеткізілмеуінен бірқатар атқарылуы тиіс жұмыстарда іркіліс бар. «Орал-Атырау» тас жолының құрылыс жұмыстары туралы да сөз болды. Сондай-ақ облыстық мәслихат депутаты Жаңабек Жақсығалиев Қаратөбе ауданы Шалғын ауылындағы тұрғын үй құрылысының қашан аяқталатынын сұрады.
Одан әрі күн тәртібіндегі мәселелерге кезек берілді. БҚО энергетика және тұрғын үй коммуаналдық шаруашылығы басқармасы басшысы Миржан Нұртазиев алдағы жылдан бастап, мемлекеттен берілетін тұрғын үй сертификаттарына ие болатындар санаттарына өзгерістер енгізілгенін мәлімдеді. Бұдан бөлек қаралған өзекті мәселе – тұрғындарға амбулаториялық көмек көрсетудегі өзгерістер. Және жекелеген санаттағы емделушілерге тегін дәрі-дәрмектер беріліп, медициналық көмек тегін көрсетілмек. Бұл туралы БҚО денсаулық сақтау басқармасының басшысы Арман Қалибеков мәлім етті. Сондай-ақ, үй жануарларын аулаудың, уақытша ұстаудың қағидаларын бекіту туралы баяндаманы Серік Нұрмағамбетов оқыса, жол қауіпсіздігі мен адамдарды заңсыз әкету және алып келу бойынша облыс әкімі аппаратының басшысы Абат Шыныбеков мәлімдеді.
Айнара ИСА
Соңғы жаңалықтар
Қазақстан Республикасының Президенті Қасым-Жомарт Тоқаевтың Астана күнімен құттықтауы
Мемлекет басшысы Қасым-Жомарт Тоқаев құқық қорғау органдарының кеңейтілген алқа мәжілісінде сөз сөйледі
Жәнібек аудандық сотында 11 жыл бұрынғы өлім фактісін анықтау туралы азаматтық іс қаралды
Оралда жол апаты: үш көлік соқтығысып, жаяу жүргінші жолы тағы да қауіпке айналды!
Тоқаев Қытай үкіметіне 1500 ақбөкен сыйға тарту туралы шешімін жариялады
Батыс Қазақстан облысында энергетикалық әлеуетін арттыру жұмыстары жалғасуда
Об Агентстве по атомной энергии Республики Казахстан
Пікір үстеу