КіруОРАЛДА ҰЛЫ АБАЙДЫҢ ҚАРАСӨЗДЕРІ ЖАЗЫЛҒАН АРХИТЕКТУРАЛЫҚ ТАҚТАТАС АШЫЛДЫ
10 тамыз – Президент Жарлығымен Абай күні болып белгіленді. Бүгін қалада ұлы ақынның туған күні кеңінен аталып өтіп, шаһар төріндегі жаңартылған Абай алаңында қалалық мәдениет және тілдерді дамыту бөлімінің ұйымдастыруымен өткен салтанатты шарада ұлы ақынның қарасөздері жазылған архитектуралық тақтатас ашылды.
Шараға Батыс Қазақстан облысының әкімі Ғали Есқалиев пен қала әкімі Абат Шыныбеков және өңірдегі зиялы қауым өкілдері қатысты. Алдымен жиналған көпшілік шаһардың бас даңғылындағы қазақтың ұлы ақынының ескерткішіне тағзым етіп, гүл шоқтарын қойды.
Құттықтау сөз алған өңір басшысы Ғали Есқалиев ұлы Абай осыдан бір жарым ғасыр уақыт бұрын өмір сүрсе де, ұлы данышпанның шығармашылығы бүгінгі уақытпен де үндесетінін жеткізді. Қазақтың ақын қызы, Қазақстанның Еңбек сіңірген қайраткері, Мемлекеттік сыйлықтың иегері Ақұштап Бақтыгереева «Абай күнінің» айрықша маңызына тоқталып, бұл ұлттық мерекені әр адам қастерлеуі тиіс екенін атап өтті. Бұдан әрі мерекелік шараға жиналған жұртшылық қазақтың дана ойшылының қарасөздері жазылған архитектуралық нысанның маңына ойысты. Ұлы ақынның 18-ші және 38-ші қарасөздері жазылған мұндай ескерткіш тастарды алдағы уақытта Абай даңғылына көптеп қою жоспарланған. Бұл туралы мәлімдеген Орал қаласының әкімі Абат Абайұлы: – Жөндеу жұмыстары жүргізіліп, абаттандырылған Абай даңғылы тұрғындардың демалыс орнына айналды. Мұнда келушілер тынығып қана қоймай, ұлы қаламгердің тастарға қашап жазылған қарасөздерін ойларына тоқи жүреді деген сенімдеміз. Мүсіншілер дайындаған мұндай архитектуралық нысандардың қатарын әлі де көбейтеміз, – деді. Белгілі болғанындай, ақынның қарасөздері жазылған ескерткіш тасты бір ай уақыт көлемінде Ерғали Бекешов, әкелі-балалы Ерген және Аслан Жұмағұлов деген мүсіншілер дайындаған.
Қуанышты жаңалықпен де бөліскен шаһар басшысы А.Шыныбеков облыс орталығындағы Еуразия даңғылына Абай Құнанбаевтың есімін беру туралы зиялы қауым өкілдерінің ұсынысы республикалық ономастикалық комиссия тарапынан қолдау тапқанын жеткізді.
Шара барысында ұлы ақынның шығармашылығына да кезек беріліп, Ғ.Құрманғалиев атындағы БҚО филармониясының әншісі Айбар Қайырханов – «Желсіз түнде жарық ай», №32 орта мектеп оқушысы Таисия Костина «Көзімнің қарасы» әндерін орындады. Ал облыстық «Абай оқулары» байқауының жеңімпаздары Абай Құнанбаевтың өлеңдерін оқып берді. Дәл Абай бабасының туған күнінде дүние есігін ашып, 8 жасқа қадам басқан Эльназ Мержанова ақынның «Күз» өлеңін қонақтарға мәнерлеп оқып берді. Ұлы ақынның көптеген шығармаларын жатқа білетін кішкентай Эльназ өзі де анасына арнап өлең жазғанын айтты.
Кәусар БАЙҒАЛИЕВА
Версия для печати
Соңғы жаңалықтар
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Пікір үстеу