КіруОРАЛДА 200 ОРЫНДЫҚ ЖҰҚПАЛЫ АУРУЛАР АУРУХАНАСЫ АШЫЛДЫ
Бүгін Оралда модульдік жұқпалы аурулар ауруханасы пайдалануға берілді. Қысқа мерзімде құрастырылған емдеу орнының ашылу рәсіміне облыс әкімі Ғали Есқалиев қатысты.
Мұндай тез құрастырылатын ауруханалар Алматы облысының орталығы Талдықорғанда, Атырауда, Нұр-Сұлтан сынды өзге де қалаларда ашылған болатын. Оралда жоспар бойынша 2020 жылы жұмысын бастауы тиіс медициналық нысан электр желілерінің уақытылы тартылмауына байланысты бір айдан соң ғана пайдаланылуға беріліп отыр.
Айта кеткен жөн облыс орталығындағы бір ғана 140 орындық облыстық жұқпалы аурулар ауруханасы 1964 жылы салынған. Аурудың өршіген шағында өзге де медициналық нысандар емдеу мекемелеріне айналып, дәрігерлер жүктемесі екі есеге дейін көбейген. Мемлекет басшысының тапсырмасына орай жер-жерлерде осындай ауруханалар аз уақыт ішінде құрастырылып, эпидемиямен күреске барлық күш жұмылдырылды. Індетке шалдыққандарды емдеуге арналған модульдік ауруханада барлығы 200 төсек болса, соның 20-сы – жансақтау орыны.
«Жұлдыз» шағынауданында 4 гектардан астам жерді алып жатқан аурухананың жалпы алаңы – 6800 шаршы метр. Оның ашылу салтанатына қатысқан өңір басшысы өткен жылдың коронавирус індетімен күрес жылы ретінде есте қалатындығын атап өтті. Сонымен қатар қауіптің әлі сейілмегенін, сол себепті тұрғындардың да өз денсаулығына жауапкершілікпен қарап, шектеу шараларын бұлжытпай сақтауы керектігін жеткізді.
– «Індетке бүкіл әлем, елдегі инфрақұрылым дайын болған жоқ. Сондықтан Мемлекет басшысы Үкіметке өңірлерде қысқа мерзімде модульдік ауруханалар салу жөнінде тапсырма берді. Соның нәтижесінде, міне, құны 7,2 млрд теңге тұратын модульдік аурухана бой көтерді. Тиісті құрал-жабдықтар мен медицина қызметкерлерінің тапшылығы сезілді. Өңірде 500-ге жуық медицина қызметкері індетке шалдығып, төрт дәрігер өмірден озды.. 200 орындық модульдік аурухана санитарлық талаптарға сай, барлық керек-жарақтармен қамтамасыз етілген»,- деді Ғ.Есқалиев.
Айнара ИСА,
zhaikuni.kz
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу