КіруОрал қаласында «Таза Қазақстан» экологиялық акциясы аясында түсіндіру жұмыстары жүргізілді
Бүгін Батыс Қазақстан облысының орталығы – Орал қаласында «Таза Қазақстан» жалпыұлттық экологиялық акциясы аясында қала тұрғындары мен базар маңында қызмет көрсететін шағын кәсіп иелеріне арналған түсіндіру жұмыстары ұйымдастырылды.
Іс-шараның басты мақсаты – қоғамда экологиялық мәдениетті қалыптастыру, қоршаған ортаны қорғауға үндеу және еріктілердің қатысуымен экологиялық бастамаларды кеңінен насихаттау.
Акция барысында 10-ға жуық жас ерікті белсенділік танытып, тұрғындармен жұмыс жүргізіп, «Таза Қазақстан» тақырыбында 100-ге жуық ақпараттық брошюра таратылды. 100-ге жуық қала тұрғынына тұрмыстық қалдықтарды дұрыс басқару және тазалық сақтау бойынша түсіндіру жұмыстары жүргізілсе, базар аумағында орналасқан 20 шағын кәсіп иесіне санитарлық талаптар мен тазалық нормалары бойынша кеңестер берілді.
Шара барысында Батыс Қазақстан облысының жастармен жұмыс жөніндегі ресурстық орталығы басшы м.а. Нұрсұлтан Сарсенбаев акцияның маңыздылығына тоқталып: «Акцияның негізгі мақсаты – қоғамда экологиялық мәдениетті қалыптастыру, қоршаған ортаны таза ұстауға шақыру және еріктілерді тарту арқылы жасыл бастамаларды ілгерілету. Өңірімізде апта сайын тазалық шаралары тұрақты түрде өткізіліп келеді. Бүгінгі іс-шараның ерекшелігі – еріктілердің белсенділігі мен тұрғындардың экологиялық жауапкершілігін арттыруға бағытталуы», – деп атап өтті.
Ұйымдастырушылар бұл бастаманың алдағы уақытта да жалғасатынын айтып, Орал қаласының тұрғындарын экологиялық акцияларға белсенді қатысуға шақырды.
#ТазаҚазақстан #экология #тазақала #TazaChallenge
Соңғы жаңалықтар
Жұмыс орындары, экология, баспана және отандық өндіріс: партиялар 17 тамызда не туралы айтты?
БҚО-да Құрылтай сайлауын өткізу бойынша ұйымдастыру шаралары тиісті деңгейде жүргізіліп жатыр
ОО «Atamnyn amanaty» принимает заявки на поиск погибших и пропавших без вести солдат и офицеров в годы Второй Мировой войны
Государство не ограничивает свободу слова, а защищает ее – Аида Балаева
Өнер мен мәдениетке көрсетілген құрмет – ұлт руханиятына жасалған қолдау
Жалған ақпаратқа қарсы орталық: Құрылтай сайлауы қарсаңында фейктер көбейді
«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Кім егістікке, кім зауытқа барды, ал кім алғашқы конгресті өткізді
