КіруОРАЛ ҚАЛАСЫ ӘКІМІ ҮЗДІК ОҚУШЫЛАРМЕН КЕЗДЕСТІ
Бүгін, 11 наурыз күні Орал қаласы әкімі Абат Шыныбеков жалпы білім беретін пәндер олимпиадасының қалалық, облыстық кезеңдерінде жеңімпаз атанып, республикалық кезеңге жолдама алған оқушылармен және олардың жетекшілерімен кездесті. «Жұлдызды Олимп – 2021» аталған кездесу шарасы оқушылар сарайында ұйымдастырылды.
– Еліміздің болашағы – бүгінгі талантты, біліммен қаруланған оқушылар. Қаламыздың мектептерінде 54 мыңға жуық оқушы бар. Солардың ішінде үздіктердің үздігі, мектептеріңіздің даңқын көтеріп, жүзден жүйрік, мыңнан тұлпар атанған сіздер. Биыл республикалық жалпы білім беретін пәндер олимпиадасының облыстық кезеңінде қала командасы жоғары көрсеткішке қол жеткізді. Бұл – мақсатқа жету жолында ізденген әр оқушының, әр шәкірттің дайындалуына ерекше көңіл бөлген ұстаздарымыздың және қолдау көрсетіп, дайындалуға жағдай жасаған ата-аналардың ортақ еңбегінің жемісі. Егер 2019 жылы республикалық олимпиадаға қала мектептерінен 15 оқушы қатысқан болса, өткен жылы 21 оқушы жолдама алды. Ал биыл 26 оқушымыз республкалық олимпиадада облыс намысын қорғайтын болды. Сондай-ақ бес оқушымыз – Қазақ-Британ университетінің грантын иеленіп отыр. Бұл да жоғары нәтиже. Осындай жарқын жетістіктер қаламызда білім деңгейінің сапасы жылдан жылға көтеріліп келе жатқанын көрсетеді, – деді Абат Абайұлы.
Кездесу барысында оқушылар сөз алып, болашақ мамандықтарын таңдау және елдің көркеюіне қосар үлестері туралы арман-мақсаттарымен бөлісті. Ұстаздар қауымы пандемия жағдайында оқытудың жаңаша үрдісіне қадам басу, оқытудың жаңа форматына бейімделу және осындай кезеңнің өзінде сапаны жоғалтпаудың маңызы туралы айтты.
Салтанатты шарада олимпиада үздіктері атанған оқушылар мен ұстаздарға қала әкімінің алғыс хаты мен арнаулы сыйлығы табыс етілді.
Айта кетейік, пәндік олимпиаданың облыстық кезеңінің қорытындысы бойынша командалық рейтингте І орынды – Орал қаласының құрама командасы жеңіп алды. ІІ орынды – дарынды балаларға арналған мамандандырылған «Білім-инновация» мектеп-лицей-интернаты, ІІІ орынды – дарынды балаларға арналған С.Сейфуллин атындағы №11 облыстық мамандандырылған мектеп-интернаты алды.
zhaikuni.kz
Соңғы жаңалықтар
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Пікір үстеу