КіруҚоғамның амандығы үшін тынымсыз еңбек еткен жандар
Бүгін,қыркүйектің 16- ы күні БҚО Ғ.Құрманғалиев атындағы филармонияның концерт залында өңірімізде алғаш рет санитариялық-эпидемиологиялық қызмет жұмыскерінің кәсіби мейрамына орай салтанатты жиын өтіп, БҚО әкімі Н.Төреғалиев құттықтау сөз сөйледі.
-Құрметті санитариялық – эпидемиологиялық саласының қызметкерлері мен ардагерлері!Халқымыздың денсаулығы мен амандығы жолында аянбай еңбек етіп жүрген сіздердің кәсіби мерекелеріңіз құтты болсын! Күрделі кезеңде медицина мамандары мыңдаған адамды құтқарып қалды.»Біз абзал жандардың табанды еңбегін бағалаймыз»‘- деп атап өтті Мемлекет басшысы. Сіздердің кәсібиліктеріңіз, табандылықтарыңыз және батыл қадамдарыңыздың арқасында індет ошақтары дер кезінде анықталып, ел ішінде таралу қаупі шектелді,- деген Н.Төреғалиұлы ҚР Премьер министрінің Алғыс хатымен, Денсаулық сақтау министрінің төсбелгісімен, «Еңбек ардагері» төсбелгісімен, Құрмет грамотасымен,БҚО әкімінің Алғыс хатымен бірқатар ардагерлер мен аталмыш саланың қызметкерлерін марапаттады.Сондай- ақ БҚО санитариялық – эпидемиологиялық бақылау департаментінің басшысы Д.Жаңабергенов жүрекжарды лебізін айтып,Денсаулық сақтау министрінің Құрмет грамотасымен облыстық,қалалық,аудандық біраз қызметкерлерді марапаттады.Жиынның соңында әуезді әндер шырқалып, қатысушылардың көңілін серпілтті.
«Жайық үні»
Соңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
