Кіру«МОСКОВСКИЙ» БАЗАРЫНДА КОРОНАВИРУСҚА ҚАРСЫ ЕКПЕ ЖАСАУ ОРНЫ АШЫЛДЫ
Оралдағы «Московский» базарында коронавирустық инфекцияға қарсы екпе жасау кабинеті жұмыс жасай бастады. Бұл – облыстық денсаулық сақтау басқармасы мен аталмыш базар әкімшілігінің бірлескен бастамасы негізінде ұйымдастырылып отыр. Базар әкімшілігі ұсынған орын-жай тегін әрі санитарлық талаптарға сай. Екпе жасау бөлмесі таңертеңгі 9.00-ден бастап, кешкі 19.00-ге дейін жұмыс жасайды.
– Біз ұсынған орын медицина мамандарын қанағаттандырды. Біздің базардағы бутиктерді 600-ден астам кәсіпкер жалға алып отыр. Сондай-ақ олардың саудагерлері де бар. Оған қоса сауда жасауға келетін тұрғындар да осы жерден вакцина алады деп ойлаймыз, – дейді базар әкімгері Елена Кармиева.
Орта есеппен күніге 2000-3000 тұрғын базарға келеді екен. Сондықтан халық көп жиналатын орында әр адам өзі денсаулығының қамын жасауы маңызды. Осыны ескерген базар жұмысшылары мен бутиктерді жалға алушылар алғашқы күннен-ақ вакцина алуды бастады. Алдымен терапевт-дәрігердің тексерісінен өтіп, денсаулық жағдайы туралы сауалнама жүргізілді. Мұнда №3 қалалық емхананың медициналық бригадасы жұмыстануда.
– Пациенттің қан қысымын өлшеп, вирустық инфекция белгілерінің бар-жоғын тексереміз. Оттегінің мөлшерін анықтаймыз. Екі түрлі вакцина қолданылуда. Егер пациент «Спутник V» вакцинасымен егілуді таңдаса, бес пациенттік топ жиналуы тиіс. Ал егер арабиялық «Hayat Vax» вакцинасы болса, күтудің қажеті жоқ, бірден екпе жасалады. Екінші компоненті 21-інші күннен 90 күнге дейінгі аралықта жасалады, – дейді дәрігер Оксана Чабан.
Дәрігер маман адамдардың барлық санатына екпе алуды ұсынады. Әсіресе, артериалды қан қысымы, жүрек ауруымен ауыратындар, созылмалы аурулары бар, соның ішінде қант диабетімен ауыратындарға вакцина алу қажет. Өйткені олар коронавирустық инфекцияны жұқтырған жағдайда ауыр өткеретіндердің қатарында.
Жалпы бүгінге дейін 57 444 облыс тұрғыны індетке қарсы екпенің бірінші компонентін алған. Олардың ішінде 21 947-сі толық курсын қабылдағандар.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Пікір үстеу