КіруӨМІРГЕ ҚҰШТАР ЖАНЕРКЕ
Бүгінде қалада кәсіпкерлік саласы кеңейіп келеді. Мүмкіндігі шектеулі жандардың қоғамнан тыс қалмауына соңғы уақытта мемлекет тарапынан жіті көңіл бөлінуде. Тігіншілік өнерін жанына серік еткен кейіпкеріміздің тағдыры өзгелерге ұқсамайды. Әйтсе де Тұңғыш Президентіміз Н.Назарбаевтың «Мүмкіндігі шектеулі жандар үшін Қазақстан кедергісіз аймаққа айналуы керек» деген сөзі Жанерке Төлегеннің өмірлік ұстанымына айналған. Жігерін жанып, арманына қанат бітірген де Елбасының осы сөздері екен.
Жанерке Төлеген 1994 жылы Сырым ауданының Бұлан ауылы Шідерті елдімекенінде дүниеге келді. Мүмкіндігі шектеулі болғанымен, қолөнерге жастайынан жақын болған. Әжесінің тәрбиесінде өскен ол ұлттық өнермен сусындап өсті. Есейе келе білген-түйгенін дамытып, 2017 жылы бұл салаға түбегейлі бет бұрды. Тігіншілік мамандығын меңгеріп алды. Өткен жылдың күзінде «Атамекен» Ұлттық кәсіпкерлер палатасынан «Бастау Бизнес» жобасымен оқуға ұсыныс түскенде Жанерке қатты қуанды. Осылайша бір ай бизнесті дамытудың қыр-сырын әбден үйренген бойжеткен «Бастау Бизнес» кәсіпкерлік негіздерін оқыту курсы шеңберінде «Жас кәсіпкер» жобасы бойынша 500 мың теңге қайтарымсыз несие грантын ұтып алды….
– Әрине, мүмкіндігім шектеулі болған соң кәсібімді бірден дөңгелету маған қиынға соқты. Ыңғайлы орын таппай қиналдым. Алдымен Жаратқанның, одан кейін анамның, жаны жомарт, қайырымды жандардың қолдауымен Асан ауылынан орын-жай алып, ақпан айында өз кәсібімді аштым. Ондағы мақсатым – өзімді мүмкіндігі шектеулі емес, мүмкіндігі шексіз адам ретінде көрсетіп, халық игілігіне жарайтындай еліме, жеріме адал қызмет ету болатын. Қоғамға жат адамдай сезінбей, керісінше, өзімізді ел қатарлы еңбектеніп, өмір сүруге құлшынысы бар жан ретінде көрсетуді көздедім. Алдағы уақытта бастаған ісімді жандандырып, студиямда жасалған жұмыстарымды ел алдына ұсынуға ниеттімін. Өз жетекшілігімдегі «Ерке» қолөнер студиясында тоқыма, тігін, өзге де үйірмелер бар. Үйірмемізде әзірге 20-ға тарта қатысушы. Тек мектеп жасындағы бүлдіршіндер ғана емес, бала күтімімен үйде отырған қыз-келіншектер мен апа-әжелер де үйірмеге тегін қатысып, қазақтың қолөнерін дамытуға атсалысуда. Елдегі орын алған жағдайға байланысты карантин уақытында да олар онлайн жұмыс жасады. Болашақта студиямды әлемдік деңгейде дамытып, беделі биік кәсіпкерлер қатарына қосылып, мүмкіндігі шектеулі жандар үшін кедергісіз аймаққа айналғым келеді, – дейді жігері мықты, мақсаты нық ісмер қыз.
Кәусар БАЙҒАЛИЕВА
Толығырақ «Жайық үні» газетінің 2020 жылғы 18 маусымдағы №23 санынан оқи аласыздар.
Версия для печати
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу