КіруМҰҒАЛІМНІҢ КӘСІБИ ШЕБЕРЛІГІ: ЖАҢА КӨЗҚАРАС ЖӘНЕ ДАМУ
Оралдағы физика-математикалық бағыттағы Назарбаев Зияткерлік мектебінде өткен дәстүрлі IV аймақтық «Мұғалімнің кәсіби ерекшелігі: жаңа көзқарас және даму» аймақтық ғылыми-практикалық конференциясында 200-дей ұстаз бас қосты.
Биылғы конференция жұмысы төрт бағытты қамтиды: «Lesson Study – мұғалімнің шеберлігін өсіру құралы ретінде», «Action Research: тұжырымдамадан тәжірибеге өту», «CLIL әдісін енгізудегі маңызды сұрақтар», «Мектептегі бағалаудың құралдары мен техникалары».
Қатысушылар қатарында М.Өтемісов атындағы БҚМУ ғалымдары, Педагогикалық шеберлік орталығының тренерлері, Ж.Досмұхамедов атындағы жоғары педагогикалық колледж оқытушылары, БҚО, Атырау, Ақтөбе және Орал қалаларының мұғалімдері бар.
Білім саласының өзекті мәселелері мен маңызды тақырыптары постер-сессия, пленарлық отырыс, секциялық пікірталастар, шеберлік сағаттар мен симпозиумдарда көрініс тапты.
Конференцияда «Жазу дағдысын дамытуда графикалық органайзерлерді қолдану», «Топтық оқыту арқылы оқушының белсенділігін қалай арттыру керек?», «Элективті курстарды оқытуда бағалаудың тиімді әдістері мен құралдары», «Көрнекі және кеңістіктік ойлауды дамыту», «Тұжырымдамалық карталарды құру, сипаттау және талдау арқылы студенттердің зерттеу дағдыларын дамыту» және басқа да зерттеулердің нәтижелері талданды. және басқалары.
Педагогтар эмоционалды интеллект, тұжырымдамалық оқытуды енгізу мәселелері, кәсіби шеберлікті қалыптастыру, оқушылардың зерттеушілік дағдыларын дамыту, мұғалімнің метадағдылары, кәсіби коллаборация, білім мазмұны мен бағалау және басқа да өзекті тақырыптар бойынша пікір алмасты.
– Аймақтық конференция барлық педагогты толғандыратын өзекті мәселелер талқыланатын алаңға айналып келеді. Оған дәлел – зерттеу нәтижелерін көпшілікке ұсынып, тәжірибе алмасуға дайын мұғалімдер санының артуы. Бұл өз кезегінде олардың кәсіби тұрғыдан өсуіне, өзі үшін маңызды бағыттарды айқындауына мүмкіндік береді, – деді шараның ашылуында Оралдағы НЗМ директоры Айдарбек Айтпукешев.
Постер сессиясында 20-дан астам зерттеу жұмысы көршілік назарына ұсынылды. Мұғалімдер зерттеулеріне оқушының жеке даму траекториясы, өз бетімен жұмыстану дағдыларын дамыту, оқушының өзін-өзі бағалауын қалыптастыру, жаңа технологиялар мен оқыту тәсілдері тақырыптарын арқау еткен.
– Аймақтағы әріптестерімнің қандай зерттеу жұмыстарын жүргізіп жатқанының куәсі болып, тәжірибемді жаңа идеялармен толықтырдым. Өзім «CLIL технологиясы арқылы биология пәнін ағылшын тілінде оқыту» тақырыбындағы зерттеуімді таныстыруға мүмкіндік алғаныма қуаныштымын, – дейді Жаңақала аудандық мектеп-гимназиясының мұғалімі Индира Темирболатова.
Атырау қаласындағы НЗМ мұғалім-модераторы Нұргүл Койшыбаева да конференциядан идея мен шабыт алып бара жатқанын жеткізді.
Шара соңында қатысушыларға конференция нәтижесі бойынша ұсыныстар беріліп, үздік жұмыстар марапатталды.
Версия для печати
Соңғы жаңалықтар
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Пікір үстеу