КіруКИНО ӨНЕРІНІҢ МАЙТАЛМАНДАРЫ ОРАЛҒА КЕЛДІ
Бүгін, 16 қыркүйек күні Оралда «Қала күні» мерекесі аясындағы басты шаралардың бірі «Jaiyq film fest» фильмдер фестивалі басталды. Фестивальге белгілі режиссерлар, продюсер-сценаристер мен актерлар арнайы шақырылған. Шара қонақтарын қала әкімі Абат Шыныбеков қабылдады.
– Еліміздің мәртебесін мәдениет саласында, оның ішінде киноиндустрияда көрсетіп жүрген танымал тұлғаларлың Орал өңірінде жиналуы біз үшін зор қуаныш. Жылдағы дәстүр бойынша қыркүйек айында «Қала күні» өткізіліп келеді. Өткен жылы шаралардың 90 пайызы онлайн форматта өтті. Пандемия жағдайында өмір сүруге бейімделіп, биыл карантиндік шектеулерді сақтай отырып, шаралар ұйымдастырылуда. Мемлекет басшысы атап өткендей, экономиканы көтеруде, әлеуметтік саланы, мәдениетті дамытуда жұмыстануымыз қажет. Осы ретте алғашқы халықаралық фильмдер фестивалін өткізуді жоспарлаған едік. Фестивальдің мақсаты – жас режиссерлерді, актерларды көтеру, кино шеберлерімен бір алаңда бас қосуына мүмкіндік жасап, тәжірибе алмасу. Біздің бастамамызды қолдап келгендеріңіз үшін зор алғысымызды білдіреміз, – деді кездесуде қала басшысы Абат Шыныбеков.
Биыл Оралда балалар театры ашылды, қазіргі уақытта жақсы бастамалармен жұмыстануда. Жастар мәдениет үйі жанынан ашылған қоғамдық театр да алғашқы туындыларын ұсынды. Кино өнеріне ықылас танытқан оралдықтар үшін киноклуб жұмысын бастаған болатын. Абат Абайұлы осындай бастамалардың бұдан әрі жандануына аталмыш фестивальдің оң әсері боларына сенім білдірді.
Орал қаласы – тарихқа бай, ғалымдар мен өнер майталмандары шыққан өлке. Осыдан 51 жыл бұрын Оралда «Қыз Жібек» кинофильмі түсірілді. Басты рөлді сомдаған Меруерт Өтекешова – Жайық өңірінің тумасы. Меруерт Қаратайқызы осы фестивальдің басты қонағы әрі фестиваль қазылар алқасының төрайымы. Мәртебелі мейман Жайық жеріндегі, Қыз Жібектің еліндегі фильмдер фестивалінің дәстүрлі шараға айналуына тілекші екенін жеткізді.
– Кино – үлкен әлем. Мұндай фестиваль жастар үшін өте қажет. Біздің тарихымызды бұрын түсірілген деректі, көркем киноларды көру арқылы біледі. Актерларды таниды, сол қоғамның өмір сүру жағдайын біле алады. Бүгінгі кинолар мен бұрынғы туындыларды салыстырсақ, үлкен айырмашалықты байқаймыз. Қазіргі жастардың көзқарасы бөлек. Өмір бір орында тұрып қалмайды. Сондықтан түсіне білуіміз керек, қабылдауымыз керек, – деді Меруерт Қаратайқызы.
Фестиваль қонақтарының қатарында кино және театр актрисасы, Құрмет және Парасат ордендерінің иегері Меруерт Өтекешовамен қатар, режиссер-сценарист Ерлан Нұрмұхамбетов, продюсер-сценарист, көптеген деректі фильмдердің режиссері Айгүл Черендинова, танымал оператор, продюсер Талғат Тұрғанбайұлы, продюсер, сценарист, режиссер Жеңісхан Момышев, актриса, «Канн» фестивалінің жүлдегері, Қазақстанның еңбек сіңірген қайраткері Самал Еслямова, кино және театр актрисасы, Қазақстанның еңбек сіңірген қайраткері Алтынай Нөгербек, актриса Дариға Бадықова бар.
Кездесуде қонақтарға фестиваль үшін арнайы әзірленген сыйлықтар ұсынылды.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу