КіруӘЙЕЛ СҰЛУ ҚАШАНДА ӘДЕБІМЕН…
Бүгін Орал қаласы полиция басқармасының ғимаратында осындай тақырыппен жиын өтті.
Расында да қоғамның бет алысы әйел затының тәрбиесі мен әдебіне байланысты. Бұл жаратылыс – нәзік әрі сұлу, ішкі дүниесі күшті, қылықты, сезімтал, айналасын ақылымен және айласымен гүлдендіріп отыратын күшке ие. Осынау әйел қызметкерлердің нысанды форма немесе азаматтық киім кию үлгісі, жүріс тұрысы, сөйлеу әдебі мен әріптестеріне қарым-қатынасы қандай? Осы сауалдарға әйелдер кеңесінің мүшелері жауап іздеді. Жиынға басқарманың погонды әйел қызметкерлері мен мемлекеттік қызметкерлер, ардагерлер кеңесінің белсенді мүшелері қатысты.
Әйелдер кеңесінің мұрындық болуымен бұған дейін өткізілген жиындардың күн тәртібінде мектеп жасына жетпеген бүлдіршіндерді балабақшаларға орналастыру, жұмыс регламенті, жұмыстан кешікпеу туралы мәселелер қаралатын еді. Бұл жолғы кеңесте әйел қызметкерлердің қызметтегі тәртібі, әріптестерімен және азаматтармен сыпайы сөйлесуі, ілтипатты қарым-қатынас жасау ережелері, т.б. қаралды. Кеңесте алғаш сөз алған Орал қ.ПБ ақпараттық-аналитикалық бөлімінің бастығы полиция подполковнигі әйелдер кеңесінің төрайымы Гүлнар Қаташева 2018 жыл ішінде атқарылған жұмысты қорытындылап, Қазақстан Республикасының айтулы мерекелерінің жоғары деңгейде ұйымдастырылып өткізілуіне ат салысқан қызметкерлерге алғысын айтты. Бұдан әрі ардагерлер кеңесінің төрайымы Клавдия Қуанышқалиева күйзелістен шығу жолдары, нысанды форманы талаптарға сай кию, шаш үлгісі, өзара сөйлеу әдебі туралы айтып, өмірлік тәжірибелерімен бөлісті. Әсіресе, әйелдерге жарасатын қымсыну, тартыну, имену, қыз ибасы мен әдебі жөнінде баяндап, барлық рухани жақсылықтардың қыз бала бойынан табылатынын айтты. Ішкі істер органында аттай 21 жыл қызмет атқарған уақыттардағы көрген-білгендерін, өмірлік ұстанымдарын айтып, әркез сабырлы болуға шақырды. Адамгершілік пен ұяттан асқан әдемілік жоқ деп ойын қорытындылады.
Орал қалалық ПБ жергілікті полиция қызметінің аға инспекторы полиция майоры Ақтоты Көшкінова қазір сәнге айналғандай құлаққа салпыншақ сырға тағу, дәлізде ақырып-жекіріп сөйлеу, бейтаныс, сырттан келген азаматтардың алдында дауыс көтеру сынды өрескел мінездердің болмауын сөздеріне тиек етсе, Орал қ.ПБ мектеп инспекторы полиция майоры Ақжарқын Жандауова қызметінің көп уақыты мектепте, оқушылар ортасында, оқушының ата-аналарының қасында өтетіндіктен, сырт көздің сыншы болып, киім киісіміз бен мінез-құлқымыздың үнемі назарда болатынын жеткізді. «Орта, қоғам баршамызды тәрбиелейді. Көшеде, мектепте нысанды формамен жүргесін барлығы қарайды. Шашымның ұқыпты жиналуын, киімімнің үтіктелген таза болуын қарап отырамын. Әйел қызметкерлердің өзі де сөзі де сұлу болғаны жөн. Ол ылғи да ақылына жүгінеді. Ең бастысы уақытпен санаспайтын тынымсыз қызметімізде сабыр мен шыдамдылық жанымызға серік болсын»,-деді.
Орал қалалық ПБ криминалдық полиция бөлімінің аға инспекторы полиция майоры Самал Серікқали, штаб бастығы полиция капитаны Альфия Рахметова, кеңсенің жетекші маманы Ләззат Дүзембетова, жергілікті полиция қызметінің аға инспекторы полиция майоры Динара Абдулкалыкова, тергеу бөлімінің тергеушісі полиция капитаны Анастасия Серікқалиева қызметегі тұрақты мінез-құлық пен ұстамдылық, қысқа юбка кимеу, ашық-шашық киінбеу, келісті киім кию үлгісі әйел қызметкерлердің мәртебесі деп өзіндік ойларын ортаға салды, түйіндеді.
Әйелдер кеңесі жиынының соңында төрайым полиция подполковнигі Гүлнәр Қаташева мен ардагерлер кеңесінің төрайымы милиция майоры Клавдия Қуанышқалиева жасы үлкен қызметкерлер мен шені бір саты жоғары қызметкерлерге сыйластық көрсетіп жол беруге, дәлізде немесе көшеде өткізіп жіберуді талап етіп, сыйластыққа және түсіністікке шақырды. Әдеп ережелерінің нормаларын бұзғандар тәртіптік жазаға тартылатын болды. Қызметтегі әдеп пен тәртіп өте маңызды дүние.
Гүламан Исмагулова, Орал қ.ПБ баспасөз қызметкері
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу