КіруЕскендірдің әндері мәңгі жасайды
Кеше, 26- шы қыркүйекте «Атамекен» өнер орталығында ҚР Халық әртісі, «Отан» орденінің иегері, әнші- композитор Е.Хасанғалиевтың шығармашылығына арналған XIII халықаралық «Атамекен» ән фестивалі қорытындыланып, марапаттау рәсімі мен гала концерт өтті. Аталмыш кеште БҚО әкімінің орынбасары Қ.Меңдіғалиев құттықтау сөз сөйледі. – Ескендір Өтегенұлының әндері жүрекке жетіп, талай алыптарды дүниеге әкелген және мәдениет пен достықтың символы іспеттес. Сондықтан да оның әндері халықпен бірге жасай берсін!- деген Қ.Меңдіғалиев Е.Хасанғалиевтың жары Дарико апамызға камзол кигізіп, иығына жаулық жапты. Сол секілді әділқазы алқасының төрағасы Б.Хасанғалиев, мүшелері А.Қоразбаев, М.Ташматов және С. Садықова,М. Сарбөпеев,Т.Жексенбаевты облыс әкімінің Алғыс хатымен марапаттады.
Байқаудың нәтижесі бойынша бас жүлдені алматылық М.Орынбаев қанжығасына байлап, 1 млн.теңгені иеленді.
1-орынға М.Самурай, 750 000 теңге, 2- орынға А.Ғалиұлы мен П.Отан 350 000 теңге, 3 – орынға Д.Саттарова мен А.Бисембаева, С.Тулановалар лайықты деп танылды. Қалған қатысушыларға Алғыс хат пен 100 000 теңге ақшалай сыйлық берілді. Концертте Б.Хасанғалиев, А.Қоразбаев, С.Садықова және байқаудың жеңімпаздары мен лауреаттары Е.Хасанғалиевтың ескі әндерін әуелете шырқап, көрермендер де бірге ән айтып, жиналғандардың көңілін серпілтті. »
«Жайық үні»
Версия для печатиСоңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
