КіруЕл құрметіне бөленген журналистер марапатталды
Бүгін, маусымның 29-ы күні «Атамекен» өнер ордасында Бұқаралық ақпарат құралдары қызметкерлерінің мерекесіне орай облыс әкімі Нариман Төреғалиев Ақ Жайық өңіріндегі барлық БАҚ өкілдерін құттықтап, құрмет көрсетті.
Салтанатты шара басталмас бұрын жылына бір рет келетін мейрамда бас қосқан журналистер алдымен «Атамекен» өнер ордасының фойесіндегі көрмені тамашалады. Шараның шымылдығы Ғ.Құрманғалиев атындағы БҚО филармониясының «Назерке» би ансамблінің «Той думан» биімен ашылды. Бұдан кейін облыс әкімі Нариман Төреғалиев құттықтау сөз сөйледі.
– Баршаңызды кәсіби мереке «Бұқаралық ақпарат құралдары қызметкерлері» күнімен шын жүректен құттықтаймын. Ұжымды ұйыстырып,қаламгерлердің шабытын шыңдау мақсатында өңірімізде мерекеге орай салтанатты жиындар, медиа-форумдар мен түрлі спорт түрінен дәстүрлі спартакиада ұйымдастырылып келеді. Ал бүгінгі мерекелік шараның барысында өңірімізге еңбегі сіңген журналист, Ұлы Отан соғысының ардагері, «Орал өңірі», «Приуралье» газетін басқарған Хабер Нұрмұхамедовтың есіміне ескерткіш тақта ашылды. Журналистерді ұлықтаған мұндай тағылымды шара облысымызда тұңғыш рет жүзеге асуда. Осы жылдың наурыз айында қабылданған ақпараттық – доктрина – ақпараттық – коммуникациялық салада мемлекеттік саясатты қалыптастыратын атаулы құжат болды. Бұл журналистер қауымының мемлекет тарапынан тыс қалмауының тағы бір дәлелі болса керек. Сіздерді тағы бір мәрте кәсіби мейраммен құттықтап,зор денсаулық,отбастарыңызға мол бақыт, қызметтеріңізге шығармашылық табыс тілеймін,-деді.
Бұдан соң өңір басышысы Нариман Төреғалиұлы ҚР Ақпарат және қоғамдық даму министрлігінің «Ақпарат саласының үздігі» төсбелгісін «Орал өңірі» газетінің тілшісі Гүлбаршын Әжігереева мен «AQJAIYQ» телеарнасының редакторы Тәтті Өтеғалиеваның кеудесіне тақты. ҚР Ақпарат және қоғамдық даму министрлігінің «Құрмет» грамотасымен «Казахстанская правда» газетінің арнаулы тілшісі Наталья Портнягина, ҚР Ақпарат және қоғамдық даму министрінің «Алғыс хатымен» облыстық «Самал» балалар газетінің бас редакторы Жұмажан Сүндетов, «БҚО үздік ақпарат қызметкері» медалімен Қазақстан халқы ассамблеясы жанындағы журналистер клубының төрағасы Асыланбек Ғұбашев, облыстық «AQJAIYQ» телеарнасының ардагері Сара Нәбибуллина, «Приуралье» газетінің бас редакторы Тоқтар Кенжеғалиев, «Соқпақ» журналының бас редакторы Құралай Қайрлиева және облыс әкімінің Алғыс хатымен қоса сыйақымен «Жайық үні» газетінің бас редакторы Мира Шүйіншалиеваны марапаттады.
Жиында «Абай» телеарнасының директоры Азамат Кеңесұлы мен «ЗаңМедиа» корпорациясының директоры Досымбек Өтеғалиев жерлес әріптестеріне жылы лебіздерін жеткізді. Жиын соңы әріптестердің мерекелік концертіне ұласты.
Гүлжан АЯЗБАЕВА
Версия для печатиСоңғы жаңалықтар
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Пікір үстеу