КіруБІР АЙДА 88 АЛАЯҚТЫҚ ДЕРЕГІ ТІРКЕЛДІ
Орал қаласы бойынша қаңтар айында 88 алаяқтық фактісі орын алды, оның 42-сі интернет алаяқтығына қатысты істер болып отыр.
Орал қаласы Полиция басқарамсы баспасөз қызметкері Гүламан Исмағұлованың мәліметінше, интернет жолымен алданған тұрғындардан 42 арыз қабылданды. Соңғы тіркелген фактілер көрсеткендей, қала тұрғындары «OLX Уральск», «Колесо» сынды әлеуметтік желілерден хабарландыруларды қарап, тез арада тоңазытқыш, көліктің қосалқы бөлшектерін сатып аламын деген белгісіз тұлғаларға немесе ақша аударым жүйелері арқылы 600, 700 мың теңгеге жуық, тіпті одан да көп мөлшерде қаражаттарын аударып, алаяқтардың құрбаны болуда.
Қала тұрғындарына хабарласқан бейтаныс жан өзін банктің қызметкері ретінде таныстырып, «Сіздің есеп-шотыңыздан көп көлемдегі қаражат жойылып кетуі мүмкін. Сол себепті маған банк карточкасының, есеп-шоттардың нөмірлерін айтыңыз» деп сұрап алады да, шотта жинаулы тұрған қаражатты өзіне аударып алады. Жеке басы мен карточкаларының деректерін ағынан жарыла айта салған азаматтар осылайша интернет алаяқтарының құрбанына айналуда.
– Егер де Сізге бейтаныс тұлға хабарласып, өзінің басқа қалада жүргенін айтып, дәл қазір картаңыздың нөмірін жазып салуды сұраса, бейтаныс адамдарға жеке басыңыздың деректері мен банк картасының пин кодтары мен нөмірлерін айтпауларыңызды сұраймыз. Соңғы уақытта өзін банк қызметкерімін деп таныстырып, қала тұрғындарының карталарының нөмірлерін, өзге де деректерін сұрап алып, алаяқтардың құрбаны болу фактілерінің жиілегені жасырын емес. Алаяқтар бірнеше азаматты дүрліктіріп, оларға көп шығын әкеледі. Моральдық және материалдық тұрғыдан қаншама зиян келтіреді. Сол себепті облыс пен қала тұрғындарының алаяқтарға алданып қалмауларын, жалған телефон шалушылардан сақ болуларын сұраймыз, – деді Гүламан Исмағұлова.
2020 жылдың 12 айында Орал қаласы аумағында 976 алаяқтық фактісі тіркелген. Оның 482-сі интернет алаяқтығына қатысты қылмыстық істер. Интернет алаяқтығына қатысты тіркелген қылмыстық істердің 180-і ғана ашылған.
zhaikuni.kz
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу