КіруБөрлі аудандық ауруханасын жаңғырту жобасының дайындығы 90%-ға жетті
Батыс Қазақстан облысында көпбейінді ауданаралық аурухана мәртебесін алуға дайындалып жатқан Бөрлі аудандық ауруханасын дамыту жобасы жалғасуда. Қазіргі таңда жобаның жалпы дайындығы 90%-ды құрайды.
Аурухана аумағында жалпы ауданы 8 мың шаршы метр болатын жаңа нысандардың құрылысы жүргізілуде. Жобаның жалпы құны 4 млрд 526,17 млн теңгені құрайды. Құрылыс жұмыстары 2025 жылдың қазан айында басталды, оларды 2026 жылдың желтоқсан айында аяқтау жоспарланған.
Жоба аясында перзентхана бөлімшесін кеңейту, клиникалық-диагностикалық бөлімше ашу, кардиология және травматология бағыттарын дамыту, сондай-ақ реанимациядағы төсек-орын санын арттыру көзделген.
Аурухананың диагностикалық мүмкіндіктері де айтарлықтай кеңейеді. Мұнда МРТ аппараты мен ангиограф орнату жоспарланған. Жаңа жабдықтар ауданаралық деңгейде диагностикалық зерттеулердің ауқымын кеңейтуге мүмкіндік береді.
Жаңа мәртебе алғаннан кейін аурухана Бөрлі, Сырым, Шыңғырлау және Қаратөбе аудандарының тұрғындарына медициналық көмек көрсететін болады. Бұл тұрғындарға қажетті диагностика мен стационарлық медициналық көмекті тұрғылықты жеріне жақын жерде алуға мүмкіндік береді.
Сонымен қатар медициналық мекеменің кадрлық әлеуеті нығайтылуда. Штат саны 36,75 бірлікке ұлғайтылды. Бүгінде 19 дәрігер жұмысқа кірісті, тағы төрт маманның келуі күтілуде.
Бөрлі аудандық ауруханасын жаңғырту оның базасында заманауи диагностикалық мүмкіндіктері мен мамандандырылған медициналық көмек бағыттары кеңейтілген көпбейінді ауданаралық медициналық орталық қалыптастыруға мүмкіндік береді. Жоба аяқталғаннан кейін сапалы медициналық көмектің қолжетімділігі Батыс Қазақстан облысының төрт ауданының тұрғындары үшін арта түседі.
Соңғы жаңалықтар
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
БҚО-да тазалық ережелерін бұзған 7 мыңнан астам адам жауапқа тартылды
Оралда жүргізуші куәлігінен айырылған азамат есірткіге масаң күйде көлік басқарған
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
Ведомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
Бөкей ордасының 225 жылдығына орай салтанатты жиын мен мерекелік концерт өтті
«ӘДІЛЕТ» ПАРТИЯСЫ ӘЛЕУМЕТТІК ОСАЛ САНАТТАҒЫ ЖАСТАРҒА 10 БІЛІМ ГРАНТЫН ҰСЫНАДЫ
15 граждан привлечены к ответственности за незаконное нанесение граффити в ЗКО
