8 (7112) 50-86-31
Қ.Жұмағалиев (Фрунзе) көшесі, 20/1 zhaik_yni@mail.ru

Орал қалалық «Жайық Үні» газеті – жаңалықтың жаршысы!

8 (7112) 50-86-31
Қ.Жұмағалиев (Фрунзе) көшесі, 20/1 zhaik_yni@mail.ru
18 Қараша 2026 87 0
Өнеркәсіп

ҚАРАШЫҒАНАҚ КЕН ОРНЫНДА АЛТЫНШЫ КОМПРЕССОР ІСКЕ ҚОСЫЛДЫ

Кеше, 17- қараша күні Қарашығанақты кеңейту жобасы аясында жылына 4 млрд текше метр газды кері айдауға қауқарлы 6-компрессор іске қосылды. Салтанатты рәсімге Батыс Қазақстан облысының әкімі Нариман Төреғалиев, Энергетика министрлігі, уәкілетті орган – «PSA» ЖШС, серіктес компаниялардың өкілдері және КПО басшылығы қатысты.

Аймақ басшысы Президент Қасым-Жомарт Тоқаев 2023 жылдың наурыз айында Батыс Қазақстан облысына жасаған жұмыс сапары аясында мұнай-газ саласын одан әрі дамыту жөнінде нақты тапсырмалар бергенін атап өтті.

– Мемлекет басшысы компанияның өңірдегі әлеуметтік-инфрақұрылымдық жобаларды қаржыландыру және экономикалық өсімді қамтамасыз етудегі үлесін оң бағалады. Мемлекет пен инвесторлар арасындағы тиімді ынтымақтастықтың жарқын көрінісі ретінде бүгін еліміздің мұнай-газ өнеркәсібі үшін маңызды жобаны іске қосып отырмыз. Халықаралық серіктестер, инженерлік-техникалық мамандар мен құрылысшылар, инвестициялық шешімді қабылдауға қатысып, міндеттемелердің сапалы әрі уақытылы орындалуын қамтамасыз еткен өкілетті орган – «PSA» ЖШС Бас директоры, Басқарма төрағасы Бекет Избастин бастаған ұжымға нәтижелі еңбек үшін алғыс білдіремін, – деді Нариман Төреғалиев.

Облыс әкімі жергілікті қамту үлесін арттыру, отандық кәсіпорындарды қолдау және халықты жұмыспен қамту мемлекет саясатының басым бағыттары екенін атап өтті. Жаңа компрессордың құрылысына 2 мыңға жуық жергілікті тұрғын тартылды.

Маңызды жоба газ факторын төмендету, және кен орнындағы сұйық көмірсутектер өндіру деңгейін тұрақты сақтауға бағытталған. 6-компрессордың сәтті іске қосылуы Қарашығанақ тарихындағы жаңа кезеңнің басталғанын білдіреді және КПО-ның әлемдік деңгейдегі ірі жобаларды табысты жүзеге асыру әлеуетін көрсетеді.

Айта кетейік, КПО облыста әлеуметтік және инфрақұрылымдық жобалардың жүзеге асырылуына да елеулі үлес қосып келеді. 2025-2026 жылдары 24 жоба толық аяқталып, пайдалануға берілді. Өзара тиімді ынтымақтастықтың нәтижесінде «Ауыл аманаты» бағдарламасына қатысушы өңір тұрғындары компанияға 1,3 млрд теңгенің өнімін өткізді. Кешенді қолдау шаралары ең алдымен халықтың тұрмыс сапасын жақсартуға бағытталып отыр.

БҚО әкімінің баспасөз қызметі

Версия для печати
Соңғы жаңалықтар
«Әділет» партиясы
АУЫЛ БОЛАШАҒЫ – ТҰРҒЫНДАРДЫҢ ТҰРАҚТАУЫНДА
18 Қараша 2026
73 0
«Әділет» партиясы
«ЖАЙЫҚЖЫЛУҚУАТ» ҰЖЫМЫМЕН КЕЗДЕСУ ӨТТІ
17 Қараша 2026
142 0
«Әділет» партиясы
ӨҢІРДЕ САЙЛАУАЛДЫ НАУҚАН ҚАРҚЫН АЛУДА
17 Қараша 2026
130 0
Заң және тәртіп
Тоқаев жүйелі тәртіпті жасауға кірісті
13 Қараша 2026
261 0
«Әділет» партиясы
ЕҢБЕК АДАМЫНЫҢ МҮДДЕСІ – БАСТЫ НАЗАРДА
12 Қараша 2026
318 0
«Әділет» партиясы
БИЗНЕС ДАМУЫ – ӨҢІР ӨРКЕНДЕУІНІҢ КЕПІЛІ
11 Қараша 2026
350 0
«Әділет» партиясы
БОЛАШАҚ ӨЗ ТАҢДАУЫМЫЗҒА БАЙЛАНЫСТЫ
10 Қараша 2026
378 0
«Әділет» партиясы
ПАРТИЯ ӨКІЛДЕРІ – БӨКЕЙ ОРДАДА
05 Қараша 2026
530 0
«Орал қаласының көркем жерлері»
«Ғаламтор ресурстары»