КіруБҚО-ДА ЕКІ КӨЛІК МҰЗ АСТЫНА ТҮСІП КЕТТІ
Оқиға бүгін, 25 наурыз күні түс уақытында болған.
БҚО ТЖД-ға сағат 11.06-да Ақжайық ауданының Қабыршақты ауылы тұсында Көшім каналына Mitsubishi Pajero автокөлігі мұз астына түсіп кеткені жөнінде хабар түскен. Оқиға орнында құтқарушылар жұмыс атқарып жатқан уақытта – сағат 13.48-де Уаз Патриот маркілі автокөлігі мұз астына түсіп кеткені анықталды. БҚО ТЖД құтқарушыларының жедел қимылы арқасында мұз астына түсіп кеткен автокөліктен екі адам шығарылды.
Департаменттің баспасөз қызметінің хабарлауынша, екі оқиғада да зардап шеккендер жоқ.
Батыс Қазақстан облысы Төтенше жағдайлар департаменті облыс тұрғындарына мұзға шыққанда өте мұқият болуды және қауіпсіздік шараларын сақтау керектігін ескертеді. Сала мамандарының мәліметінше, қалыңдығы кемінде 10 сантиметр мұз бір адам үшін, 12 сантиметрдегі қалыңдық бір топ адам үшін қауіпсіз. Ал жаяу жүргіншілер үшін 15 сантиметр, автокөліктер үшін 30 сантимертрден аса қалыңдық болуы керек. Мұз тез ағатын, су басатын және ағын су жүретін жерлерде, сондай-ақ су өсімдіктері өсетін жерлерде, ағаштар мен қамыстың жанында берік болмайды. Егер ауа температурасы 0 градустан жоғары болса, онда мұздың беріктігі 25 пайызға төмендейді.
Мұздың беріктігін көзбен шолып анықтауға болады. Мөлдір көк, жасыл реңктегі мұз – берік, ал ақ түсті мұздың беріктігі 2 есе аз. Сұр, күңгірт ақ немесе сары реңктері бар мұз сенімді емес, мұндай мұз тез жарылып кетеді.
Әсіресе, қардың қалың қабатымен жабылған жерлерде, бұлақтардың тез ағатын және шығатын жерлерінде, бұталардың, шөгінділердің, шөптердің бетінен шығатын жерлерде, бұлақтардың су қоймаларына құятын жерлерде абай болу керек.
Мұзда балық аулау кезінде жақын жерден бірнеше ойықтарды тесуге болмайды. Қиындықты болдырмас үшін балықшыда құтқарушы жилеті, сондай-ақ ұзындығы 15-20 метрлік бір ұшында ілмек және екіншісінде 400-500 г жүкпен арқан болуы керек.
Мұзды суға түскен адам 10-15 минуттан кейін қатайып, 20 минуттан кейін есін жоғалтуы мүмкін. Сондықтан зардап шегушінің өмірі құтқарушылардың іс-қимыл жылдамдығына байланысты.
zhaikuni.kz
Версия для печати
Соңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу