КіруБҚО-ДА 700-ДЕН АСТАМ ПЕДАГОГ КОРОНАВИРУСҚА ҚАРСЫ ВАКЦИНА АЛДЫ
Облыста коронавирусқа қарсы вакцинациялау бекітілген кестеге сәйкес жүргізілуде.
1 ақпаннан бастап COVID-19-ға қарсы вацинациялау басталды. ҚР Бас мемлекеттік санитарлық дәрігерінің қаулысына сәйкес, вакцинациялаудың ІІ компоненті үш аптадан кейін жүргізіледі. Бүгінгі күнге «Гам-КОВИД-Вак» вакцинасының алғашқы партиясында екпе алған медициналық қызметкерлерге екінші компонентті егу аяқталды. 4 наурызда облысқа «Гам-КОВИД-Вак» 5 500 дозасы жеткізілген. (Оның 3250 дозасы – І компонентке, 2250 дозасы – ІІ компонент үшін) 19 наурызда вакцинацияның 1000 дозалық мөлшердегі І компоненті жеткізілген.
– Бүгінге дейін түскен 4250 доза бойынша 3255 адам вакцина алды. Олардың ішінде 768-і – педагог, 199-ы – күш құрылымдарының қызметкерлері, – деп мәлім етті БҚО Денсаулық сақтау басқармасының баспасөз қызметі.
Облыста COVID-19-ға қарсы вакцинация жасау үшін 28 вакцинация бөлмесі дайындалған. Олардың жетеуі – мемлекеттік қалалық емханалар, бесеуі – жекеменшік емханалар («Медициналық орталық» ЖШС, «Медикер Ақсай» ЖШС, «Батыс АвиГип» ЖШС, «Uniserv Medical Center» ЖШС, «INTERTEACH»), сондай-ақ 15 аудандық аурухана және 1 ауылдық ауруханада («Тайпақ ауылдық ауруханасы» ШЖҚ МКК) екпе жасалады.
Айта кетейік, вакцинация ерікті түрде жасалады. Қазақстан Республикасының «Адамдардың денсаулығы және денсаулық сақтау жүйесі туралы» Кодексінің 77-бабына сәйкес кез-келген медициналық процедура, оның ішінде вакцинация тек вакцинацияланған адамның саналы келісімімен жүзеге асырылады. Қазақстанда вакцинациядан бас тартқаны үшін әкімшілік немесе қылмыстық жауапкершілік жоқ, кез келген қудалау заңсыз.
Коронавирустық инфекцияға қарсы вакцина профилактикалық вакцинацияға қарсы көрсетілімдері жоқ адамдарға рұқсат етіледі. Вакцинацияның 1-ші кезеңінде температураны өлшеу, эпидемиологиялық анамнез жинау арқылы дәрігердің міндетті тексеруі жүргізіледі. Егер температура 37 °C-тан асса, вакцинация жасалмайды. Аурудың өткір кезеңдері вакцинацияға уақытша қарсы көрсеткіштер болып табылады. Вакцинациядан кейінгі кезеңдегі медициналық бақылау вакцинация алғаннан кейінгі алғашқы 30 минут ішінде және иммундаудан кейінгі келесі 3 күн бойы жүргізіледі.
Сондай-ақ денсаулық сақтау басқармасы вакцинация бөлмелері барлық қажетті құрал-жабдықтармен, шокқа қарсы бұрыштармен, вакцинациядан кейін мүмкін асқынулар кезінде жедел көмек көрсету алгоритмдерімен, дезинфекциялау және зарарсыздандыру ережелерін сақтау шарттарымен, эпидемияға қарсы режимдермен қамтамасыз етілгенін мәлім етті. Барлық 28 егу учаскелерінде КВИ-ға қарсы вакциналарды бақылауға арналған бөлек бөлмелер бар. Арнайы бейджиктер әзірленген, вакцинацияланған адамдарға COVID-19 вакцинасы туралы жадынамалар ұсынылады.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу