АУЫЛ ШАРУАШЫЛЫҒЫ САЛАСЫНДА ІЛГЕРІЛЕУ БАР

Ағымдағы жылы ауыл шаруашылығы саласын қолдауға басқармаға бюджеттен 13442,2 млн. теңге қаржы, соның ішінде өсімдік шаруашылығына – 742,0 млн. теңге, мал шаруашылығына – 3132,1 млн. теңге, инвестициялық салынымдарды субсидиялауға – 2657,8 млн. теңге, нәтижелі жұмыспен қамту және жаппай кәсіпкерлікті дамытуға – 4194,9 млн. теңге, несиелердің және лизингтің пайыздық мөлшерлемелерін субсидиялауға – 2196,6 млн. теңге, басқа да шараларға – 518,8 млн. теңге бөлінді.

Биылғы жылдың қаңтар-сәуір айында ауыл шаруашылығын қаржыландыруға шаруашылықтармен 4648,8 млн. теңге несие ресурстары тартылып, соның ішінде лизинг бағдарламасы арқылы 1698,4 млн. теңгеге 298 дана ауыл шаруашылығы техникалары мен қондырғылары сатып алынды.

Есепті кезеңде ауыл шаруашылығының жалпы өнімі мен көрсетілген қызметі 21623,9 млн. теңгені, соның ішінде өндірілген өсімдік шаруашылығы өнімі – 66,0 млн. теңгені, мал шаруашылығы – 21550,1 млн. теңгені, қызметтер – 7,8 млн. теңгені құрады. Статистикалық ақпарат бойынша физикалық көлем индексі өткен жылдың сәйкесті кезеңінің деңгейіне 102,1 %-ды, соның ішінде өсімдік шаруашылығы өнімі – 100 пайыз, мал шаруашылығы – 102,1 пайызды, қызметтер – 100 пайызды құрады.

Дәнді дақылдар көбейді

Меморандумға сәйкес барлық дәнді дақылдардың алқабы 265,0 мың га. алқапты құрауы тиіс, оның ішінде өткен жылдың күзінде 76,6 мың га. алқапқа күздік дәнді дақылдар егілді. Сәйкесінше, жаздық дәнді дақылдар 190 мың га. алқапқа егіледі деп күтілуде. Майлы дақылдардың егіс алқабы 64,8 мың га. болады деп көзделуде. Соның ішінде күнбағыстың егіс алқабын 51,0 мың га. дейін жеткізу межеленіп отыр. Картоп және көкөніс-бақша дақылдарының егіс көлемін 10,0 мың га. жеткізу жоспарлануда. Соның ішінде картоп – 4,3 мың га. көкөніс дақылдары – 3,8 мың га, бақша дақылдары – 1,9 мың га. отырғызылады деп күтілуде.

Мал шаруашылығындағы басты міндет мықты мал азықтық базасын құру болып табылады. Биылғы жылы мал азықтық дақылдарының егістік көлемі – 202,5 мың га. құрайды, оның ішінде бір жылдық шөптер – 41,7 мың га., сүрлем дақылдары – 0,6 мың га, көпжылдық шөптер – 18 мың га.

Көктемгі далалық жұмыстар уақытылы басталды

Ағымдағы жылы ауа райының қолайлы болуына орай көктемгі-далалық жұмыстары уақытымен басталды. Қазіргі уақытта облыстың аумағында 396,6 мың гектар жерде ылғал жабу жұмыстары аяқталды. 2019 жылдың 20 мамырына 139,4 мың гектар немесе 73,4 % жаздық дәнді дақылдар егілді, оның ішінде жаздық бидай – 95,4 мың га, арпа – 39,8 мың га, сұлы – 0,7 мың га. және басқа да дақылдар 3,55 мың гектар. Бұдан басқа 54,6 мың гектар майлы дақылдар 84,3% егілген, оның ішінде 32,9 мың га. күнбағыс. Облыс аумағында 1796 гектар картоп, 1009 гектар көкөніс пен 459 гектар бақша дақылдары отырғызылды. Мал азықтық дақылдары 16,2 мың гектарға немесе 26,9%, оның ішінде

8,9 мың га. көпжылдық және 6,9 мың га. біржылдық дақылдары егілді.