Кіру«ҚАЛА КҮНІ» МЕРЕКЕСІНДЕ 198 ОТБАСЫ БАСПАНАЛЫ БОЛДЫ
Бүгін, 18 қыркүйек күні Орал қаласында 198 пәтерлі тұрғын үй пайдалануға берілді. Қоныс иелерін облыс басшысы Ғали Есқалиев құттықтап, пәтер кілттерін иелеріне табыс етті.
Зашаған кентінде бой көтерген тоғыз қабатты тұрғын үй республикалық және жергілікті бюджет есебінен салынған. Жалпы 2 088, 0 млн. теңге жұмсалды. Құрылыс жұмыстарын «Болашақ –Т» ЖШС бір жыл ішінде салды. Пәтерлердің 81-і – бір бөлмелі, 99-ы – екі бөлмелі, 18-і – үш бөлмелі.
Облыс басшысы Ғали Есқалиев атап өткендей, мемлекеттік бағдарлама аясында беріліп отырған бұл үйлердің арендалық бағасы – 6-12 мың теңге аралығында.
– Биыл өңірде тұрғын үй құрылысына 18 млрд. теңге бағытталды. Тұрғындарды баспанамен қамтуда жұмыстар жүргізілуде. Мемлекеттік бағдарламалар бойынша салынған осы үйден көп жылдар бойы жеке баспаналарын күтіп отырған көпбалалы аналар және басқа да санаттағы азаматтарымыз пәтерлерін алуда. Осы қуаныштарыңыз құтты болсын, шаңырақтарыңыздан жылылық кетпесін, – деді Ғали Есқалиев. Сондай-ақ облыс басшысы жаңа үй тұрғындарынан алғашқы күннен бастап мүлік иелері бірлестігін құрып, тұрғын үйді күтіп-ұстау мәселесіне бей-жай қарамауға шақырды.
Жаңа үйден баспана алғандардың бірі – Әлмұқановтар. Отбасын құрғандарына 11 жыл болған Ержан мен Әсел – бес баланың ата-анасы, тағы бір сәбиді күтіп отыр.
– Осы кезге дейін пәтер жалдап жүрдік. Балаларымыз кішкентай болғандықтан, қожайындар пәтерге жібере бермейді. Енді үш бөлмелі өз үйімізге қол жеткіздік. Ауданы – 83,42 шаршы метр, өзімізге ұнады, – деп қуанышын бөлісті отанасы Әсел.
Сондай-ақ осы үйден жетім балалар санаты бойынша 20 азамат пәтерлі болды. Оның ішінде «Шаңырақ» жасөспірімдер үйінен бес отбасы жаңа үйге көшіп келмек. «Шаңырақ» үйінің директоры Өмірбай Қалымбеттің айтуынша, кейінгі бес жылда балалар үйінде тәрбиеленіп шыққан 300-дей азамат баспана алған.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу