КіруАЙЫРБАСТАУ ПУНКТІН ТОНАҒАНДАР ІСІ ҚАРАЛУДА
Оралдағы айырбастау пунктін тонағандарға қатысты сот процесі басталды. Барлығы 44 млн. теңге ұрлаған күдіктілердің ісі қалалық сотта қаралуда. Сотталушылардың бірінің әпкесі «бауырыма тағылған жала негізсіз» деп есептейді. Оның айтуынша, тергеу барысында көптеген заң бұзушылықтарға жол берілген.
Қарақшылық дерегі өткен жылдың 28 ақпанында тіркелді. Орталық көшелердің біріндегі айырбастау пунктінің иесінің бетіне көзді жасаурататын өткір иісті газ баллонын шашқан бірнеше азамат одан қол сөмкесін тартып алады. Онда шетелдік валюталардың бірқатар түрі: еуро, доллар, рубльдің барлығын қосқанда жалпы сомасы – 44 млн. теңгеден астам қаражат болыпты.
Тәртіп сақшылары бұл іске күдікті төртеудің үшеуін құрықтаған. Олардың бұл қылмысты жасағаны дәлелденсе, бірнеше жылға темір торға қамалатын болады. БҚО сотының баспасөз хатшысы Нүргүл Қанатбаеваның айтуынша, бұл істе бірнеше адам күдікке ілініп отыр.
– Олардың үстінен ҚР ҚК 188 бабы 3-ші тармағы 2-ші,3-ші бөлігі бойынша іс қозғалуда. Егер айыптылардың қарақшылық әрекеті дәлелденсе, жеті жылға дейін бас бостандығынан айрылуы мүмкін, – деді БҚО сотының баспасөз хатшысы Нүргүл Қанатбаева.
Сотталушылардың бірі – 27 жастағы Бауыржан Шәріпов. Оның туыстары бауырларының бұл іске қатысы жоқ деп есептейді. «Өйткені кезінде бірнеше кәсіпті ұршықша иірген ол ұрлық жасауы мүмкін емес» деп санайды.
–Бауырым көлік сатумен айналысты және ұрлықшылар одан көлік сатып алған. Осылайша, өз айыптарын менің ағама жапқысы келеді. Тергеп-тексеру барысында оған қысым көрсетіп, істі мойнына алуға мәжбүрлеп отыр. Сол себепті біз прокуратураға арыз жаздық. Тергеуші Азамат Құспановтың да бұл іске қатысы бар деп есептеймін және інімнің кінәсінің жоқ екеніне сенемін, – дейді бұл іске жауаптылардың бірі саналған Бауыржан Шәріповтың апасы Зульфия Шәріпова.
Айыпты Б. Шәріповтың қорғаушысы да оның бұл іске қатысы жоқ екеніне сенімді. Яғни, адвокат Болат Бекеевтің айтуынша, оның қорғалушысы – Шәріповтың бизнесі үшін айналымдағы қаржысының өзі 7 млрд. теңгеден асады. Осылайша, қорғаушы тарап оны ақтап алу үшін шағымдарын өзге де құқық қорғау органдарына жолдаған.
Айнара ИСА,
zhaikuni.kz
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу