КіруАҚ ХАЛАТТЫЛАР МАРАПАТТАЛДЫ
Маусым айының үшінші жексенбісі – медицина қызметкерлерінің мерекесі. Осыған орай бүгін облыс әкімі Ғали Есқалиев Х.Бөкеева атындағы облыстық қазақ драма театрында өткен марапаттау рәсімінде бірқатар сала мамандарына ҚР денсаулық сақтау және әлеуметтік даму министрлігі мен облыс әкімдігінің, медицина қызметкерлері кәсіподағы орталық кеңесінің мақтау қағаздары мен «Қазақстан Республикасының Денсаулық сақтау ісінің үздігі», «Қазақстан Республикасының Денсаулық сақтау ісіне қосқан үлесі үшін» төсбелгілері мен «Еңбек ардагері» белгісін тапсырды.
Кәсіби мереке қарсаңындағы бүгінгі марапатқа тек өз ісін жетік меңгерген мамандар мен денсаулық саласына елеулі еңбек сіңірген жандар лайық деп табылды. Олардың басты мақсаты – адам денсаулығына қызмет ету және Гиппократ антына адал болу.
– Азаматтардың рухани дүниесі мен денінің саулығы мемлекеттің басымдық беріп отырған маңызды міндеттерінің бірі. Дені сау ұлттың – келешегі кемел. Адамзат үшін керекті екі мамандық иесі бар, соның бірі – дәрігер. Денсаулықтан артық байлық жоқ. Облыс тұрғындарының денсаулығын сақтаудағы адал еңбектеріңіз үшін алғыс айтамын. Кез келген мемлекеттің басты қазынасы – адам. Ал адам байлығы – оның денсаулығы. Сондықтан денсаулық сақтау жүйесінің басты мақсаты – сапалы және қолжетімді медициналық қызмет көрсету. Облысымызда медицина саласында оң нәтиже бар. Тұрғындардың денсаулығы жақсарып, бала туу көрсеткіші артып келеді. Өткен жылды қорытындылаған рейтинг бойынша біздің облыстың көш бастағаны бұл сөзіме дәлел. Ардақты ақ халатты абзал жандар Мемлекет басшысы Қасым-ЖомартТоқаев халықтың денсаулығын сақтау мәселесі өзінің жеке бақылауында екенін атап өткен болатын. Медицина саласына мемлекет тарапынан зор қолдау көрсетілді және игілікті іс жалғасын табады, – деді салтанатты шарада сала мамандарын құттықтаған өңір басшысы Ғали Нәжімеденұлы.
Мерекелік шарада «Еңбек ардагері» белгісімен марапатталған тәжірибелі дәрігер Марат Ақашаевтың еңбек өтілі 62 жылды құрайды. – Жасым –82-де. 62 жылдың алғашқы 23 жылында Ақжайық ауданында, «Ақжайық» шипажайында бас дәрігер қызметін атқардым. Мамандығым бойынша терапевт-кардиологпын. 1985 жылы «Ақжайық» шипажайының алғашқы директоры болдым, осы жерден зейнетке шықтым. Зейнетке шыққаннан кейін де шақыртумен 20 жыл осы шипажайда директордың емдеу жұмыстары бойынша орынбасары міндетін атқардым. 2017 жылы 80-ге толған шағымда жұмыстан біржола қол үздім. Бірақ «Мұз айдыны» сарайына спорт дәрігері болуға ұсыныс жасап, қазір спортқа тартылған балалардың денсаулығына жауаптымын. Ел үшін атқарған еңбегім дер уақытында еленіп келеді, марапаттарым жетерлік, – дейді Марат Сәрсенғалиұлы.
Мерекелік шара соңы жергілікті өнерпаздардың концерттік бағдарламасына жалғасты.
Кәусар БАЙҒАЛИЕВА
Версия для печатиСоңғы жаңалықтар
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Пікір үстеу