КіруЕЛДІМЕКЕНДЕР АТАУЫНА МӘН БЕРІЛСЕ
Бүгін М.Өтемісов атындағы БҚМУ-да Қазақстанның еңбек сіңірген қайраткері, кәсіби медиатор, белгілі лингвист-ғалым Дос Көшімнің қатысуымен «Ономастика – мемлекеттік идеологияның негізі» тақырыбында қоғамдық пікір көшбасшыларының кездесуі өтті.
Кездесуде Елбасы Н.Назарбаевтың «Болашаққа бағдар: рухани жаңғыру» бағдарламасындағы ұлттық код, ұлттық мәселелерден туындайтын міндеттер, ономастиканың мемлекеттік тілді дамытудағы маңызы және елдімекендердің тарихи атауларын жаңғырту мәселелері талқыланды.
– Ономастикалық атауларды ауыстырудың үш бағыты бар. Біріншіден, идеологиялық тұрғыдан ескірген атауларды ауыстыру. Екінші бағыт – тарихи атауларды жаңғырту. Ол үшін нақты дерек керек. Бұл ретте тарихшылар жұмыстануы тиіс. Теологтар да осы іске үн қосады деп сенемін. Үшінші бағыт – тұлғалардың есімдерін беру. Әйткенмен, ол тұлғаның елімізге, сол өңірге қандай қатысы бар екенін қаперге алған жөн. Осы орайда қаладағы көше атауларына мониторинг жүргізу де маңызды, – деді Дос Қалмұханұлы.
Лингвист-ғалым абстрактілі ұғымдарды көше атауларына беру белең алғанын тілге тиек етіп, мұның жөнсіз екенін жеткізді.
Сондай-ақ ол біздің өңірде кейбір елдімекендердің атаулары орыс тілінен аударылғанда қателіктер жіберілгенін, салдарынан көптеген елдімекендер мәнсіз атауларды иеленіп жүргенін атап өтті. Мәселен, Бөрлі ауданы «Бөрілі» атауынан шыққан болуы мүмкін. Орысша «Бурлинскиий» деп бұрмаланған атау кері қазақшаланғанда «Бөрлі» болып қате жазылған. Дос Көшім мұндай қателіктерді ұзаққа созбай ретке келтіруге жұмыстану қажеттігін ескертті.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу