КіруАПАТТЫ ЖОЮ ЖҰМЫСТАРЫ АЯҚТАЛА КЕЛДІ
Оралда №19 А кәріздік сору стансасының маңында болған апат орнында қалпына келтіру жұмыстары жүруде. Қала әкімдігі өкілдері бүгін іңір түскенше су берілетініне сендіреді.
Құбыр апаты салдарынан су тоқтатылған аудандарға жедел түрде су жеткізу шаралары ұйымдастырылды. Нақтырақ айтқанда, қаланың солтүстік-шығыс бөлігі бойынша 6 учаскеде су жеткізу орындары белгіленген. Бүгін тағы бір учаске анықталып, «Айгүл» ауданына да су тасу ұйымдастырылған.
– Кеше таңғы 8.00-ден түнгі 1.00-ге дейін су жоқ аудандарға 30 мың текше метр су жеткізілді. Су тасуға 15 автокөлік жұмылдырылды. Үлкен су тасу көліктері бекітілген мекенжайларда тұрған көліктерге кесте бойынша су құйып тұрады. Яғни, бекітілген орындарда судың үзіліссіз берілуі үшін жағдай жасалуда. Бүгін де қажеттілікке байланысты халық сумен қамтылғанша су жетікізілетін болады, – деді қалалық тұрғын үй коммуналдық шаруашылық және тұрғын үй инспекциясы бөлімінің басшысы Миржан Нұртазиев.
Уақытша туындағын келеңсіздікке халық та түсіністікпен қарауда.
– Әрине, үйімізге келіп тұрған судың айырылғаны қиындық тудырды. Дегенмен, әкімдікиің қоңырауымызға үн қатып, су жеткізуді ұйымдастырғанына ризамыз. Кеше жеке кәсіпкер өз құдығынан су алуға мүмкіндік берді. Ал бүгін үйіміздің жанына су көлігі келіп тұр. Судан тапшылық көріп отырғанымыз жоқ, – дейді «Айгүл» ауданындағы Матросов көшесі 50-ші үйінің тұрғын Гүлден Ұсабаева.
Апат орын алған аймақтан құбыр сыртына жайылған 5500 текше метр көлеміндегі ағын су сорылған. Мамандардың сөзінше, Деркөлде бұл құбыр осыдан он жыл бұрын, яғни 2009 жылы орнатылған. Дегенмен, шыны пластик материалдан жасалған құбыр сапасыз болып, салдары осындай қолайсыздыққа әкеліп тұр.
– Бүгінде №19А кәріз сорғы стансасы маңындағы құбырды ауыстыру туралы жобалық-сметалық құжаттама дайындалып, конкурс жарияланды. Мердігер анықталған соң №19 А кәріз сорғы стансасынан кәріз суын тазарту құрылымына дейінгі 7,5 шақырымдық аралық полиэтилен материалды құбырға ауыстыралатын болады. Жоба құны – 3 млрд. теңге көлемінде, – деп толықтырды Миржан Жанғазыұлы.
Қазіргі уақытта «Батыс су арнасы» ЖШС жұмысшылары апатты жою жұмыстарын аяқтай келді. Істен шыққан құбырдың орнына уақытша металл құбырлар орнатылуда.
– Апатты жою жұмыстарын жүргізудеміз. Бүгін кәріз жүйесі іске қосылады. 6 метрлік құбырды ауыстырдық. «Батыс су арнасының» жұмысшылары екі тәулік бойы үздіксіз жұмыс жасады. 12 техниканы жұмылдырдық. Кешке дейін жұмысты аяқтауды көздеп отырмыз, – деді «Батыс су арнасы» ЖШС-ның кәріздік жүйелер және құрылысы қызметінің басшысы Талғат Мүсілімов.
Кәріз құбыры жалғанысымен, яғни бүгін тұрғын үйлер мен нысандарға су берілетін болады.
Еске сала кетейік, 29 мамыр күні кешкісін Деркөл елдімекені аумағындағы №19 А кәріз сорғы стансасы маңындағы құбыр істен шығып, ірі апат орын алған болатын.
Эльмира НҰҒМАНОВА
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу