КіруҚОШ БОЛ, ҚОҢЫРША АПА!
Осы аптада Ақ Жайықтағы аяулы жандардың бірі, қоғамның белсенді мүшесі, сүйікті жар, асыл ана, тамаша әже бола білген Қоңырша Мырзағарина дүниеден озды. Ол – Құсайыновтар әулетінің шамын жарқырата жаққан, айналасына шуағын шашқан мейірімді, ақылды, мәдениетті жан болатын.
Қоңырша Нұрханқызы 1946 жылдың 3 наурызында дүниеге келді. А.С.Пушкин атындағы Орал педагогикалық институтын, Алматыдағы жоғары партия мектебін тәмамдап, мектепте мұғалім, Қаратөбе аудандық комсомол комитетінде нұсқаушы, мектеп бөлімінің меңгерушісі, екінші хатшысы қызметтерін атқарды. Қаратөбе ауданы кәсіподақтар комитетінің төрайымы, аудандық партия комитетінде бөлім меңгерушісі, облыстық партия комитетінің үгіт-насихат, ғылым бөлімінің нұсқаушысы, Теректі ауданы партия комитетінің екінші хатшысы лауазымдарына дейін көтерілді.
Қаратөбе ауданында жұмыс жасай жүріп, белсенді ұйымдастырушы, көркемөнерпаздар ұйымының мүшесі болған Қоңырша Нұрханқызы «Балауса» ансамблін өз күшімен құрды. Көркемөнерпаздар байқауларының бел ортасынан табылды. Өзі де келбетті, тамылжыта ән салатын, думан-тойдың сәні еді. Сондықтан шығар, Қоңырша ханым жүрген ортасын толтырып, өнер мен мәдениеттің жанашыры, ұйытқысы бола білді. Қазақ КСР мемлекеттік телерадио мен ЛКСМ орталық комитеті ұйымдастырған байқауларға да катысып, жүлделі орынды иемденді. Бірнеше жыл облыстық кітап сату саласына жетекшілік етті. Кітаптар дүкені желісі мен дүңгіршектерді көбейтті. Кітап жәрмеңкесін ұйымдастырды. Білім бұлағын әр ұжымға, әр отбасына жеткізуге тырысты. Облыстық кітапқұмарлар қоғамының мүшесі болып, жаңа баспаларды насихаттады. Өлкемізден шыққан С.Сейітов, Қ.Мырзалиев, Ж.Молдағалиевтай айтулы ақындармен кездесулер ұйымдастырды. Кеңес дәуірінде дүниеге келіп, өз заманының ағысынан қалмай өмір сүре білген Қ.Мырзағарина аудандық партия комитеттеріне мүшелікке, халық депутаттары аудандық кеңесі депутаттығына сайланды. Екі медальмен, «Қазақ ССР халық ағарту ісінің үздігі» және ВЛКСМ Орталық комитетінің төсбелгісімен қоса, комсомол ұйымдарының көптеген марапаттарын иеленді.
Қоңырша апамыздың адами болмысы, өткен өмір жолы ағайын-туыстары мен дос-жарандары үшін үлкен мақтаныш еді. Кейінгі толқын ұрпақтарына да берері ұлағаты көп еді. Сұм ажал, жақсы жанды арамыздан о дүниеге ерте алып кетті. «Жазмыштан озмыш» бар ма?
Қоңырша Нұрханқызының дүние салуына байланысты отағасы, белгілі журналист, ел азаматы Темір Құсайынға және өмірінің қуанышына айналған ұлы Қуаныштың жанұясына, ағайын-туыс, бауырларына қайғыларына ортақтасып, көңіл айтамыз.
Марқұмның жатқан жері жарық, топырағы мамық болсын!
«Жайық үні» ЖШС газеті редакциясының ұжымы
Соңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу