«КИІКТЕРДІ КҮЗЕТУ» ЖОБАСЫ ЖАҢҒЫРТЫЛАДЫ

Батыс Қазақстан облысында киіктерді қорғау шараларын Орман шаруашылығы және жануарлар дүниесі комитетіне тиесілі «Охотзоопром» мекемесі қаматамасыз етеді. Аталмыш мекемедегі 50 инспектор 6 ауданды қамтитын 4 млн. гектардан астам аумақтағы киікті қорғаумен айналысады.

Батыс Қазақстан облыстық орман шаруашылығы және жануарлар дүниесі аумақтық инспекция басшының орынбасары Зәкария Туралиевтің айтуынша, қазіргі таңда аталмыш мекеменің инспекторлары жоғары жылдамдықта жүретін автокөліктермен және қар жүргіш техникалармен 8 мобильдік тобы 15 күндік вахталық режимімен қорғау жұмыстарын жүргізуде.

– Ішкі істер департаментімен, жергілікті атқарушы органдармен және «Охотзоопром» мекемесімен киікті қорғау, оны заңсыз аулаудың жолын кесу бойынша бірлескен жұмыс жоспары құрылды. Жұмыс жоспарына сәйкес, бірлескен рейдтік іс-шаралар жүргізіліп келеді. 2018 жылы бірлескен рейдтік жұмыстары нәтижесінде киіктерді заңсыз ату және олардың дериваттарын тасымалдағаны үшін 2 факті анықталды. Сонымен қатар 2017 жылы облыс прокуратурасымен және басқа да уәкілетті органдармен бірлесіп құрылған «Киіктерді күзету» жобасы дайындалды. Аталмыш жобаның арқасында облысымызда ұйымдасқан қылмыстық топ ұсталып жалпы айтқанда оң нәтижесін көрсетті. Осы орайда, аталмыш жобаны қайта жаңғыртуды көздеп отырмыз, – деді Зәкария Есболатұлы.

Қазіргі таңда Орал популяция киіктері көршілес Ресей Федерация Саратов, Волгоград шекаралас аудандарында жайылып, өрісін кеңейтуде. Осыған байланысты, Саратов, Волгоград облысының экология және орман шаруашылығы, табиғи ресурстар мекемелерімен бірлескен жұмыс жоспары құрылған.

Версия для печати