КіруВедомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің басшысы М.Байсалов Төтенше жағдайлар департаментінің қызметкерлерімен ведомствоаралық кеңес өткізді.
Кеңесте мемлекеттік қызметшілердің күнделікті қызметінде сақталуы тиіс заңнама талаптары, қызметтік әдеп нормалары және сыбайлас жемқорлықтың алдын алу мәселелері талқыланды. Қызметтік міндеттерді орындау кезінде заң талаптарын дұрыс қолдану, қабылданатын шешімдердің заңдылығы және мемлекеттік қызметшілердің жауапкершілігіне қатысты мәселелерге назар аударылды.
Мемлекеттік қызмет саласындағы заңнамаға енгізілген өзгерістерге жеке тоқталып, олардың мемлекеттік қызметшілердің жұмысындағы практикалық маңызы түсіндірілді. Атап айтқанда, мүдделер қақтығысын дер кезінде анықтау және оны реттеу, қызметтік әдеп талаптарын сақтау, сондай-ақ мемлекеттік қызметшілердің мінез-құлқына қойылатын талаптарды орындау мәселелері қаралды.
Кездесу барысында қызметтік әдеп қағидаларын сақтаудың күнделікті жұмыстағы маңызы түсіндірілді. Мемлекеттік қызметшінің қызметтік шешім қабылдауы кезінде жеке мүддеге жол бермеу, әріптестермен және азаматтармен қарым-қатынаста белгіленген әдеп талаптарын сақтау мәселелеріне назар аударылды.
Сонымен қатар, «Адал азамат», «Таза Қазақстан», «Заң мен тәртіп» қағидаттарының мемлекеттік қызметшілердің қызметімен байланысы сөз болды. Бұл бағыттар заң талаптарын сақтау, жауапкершілікпен жұмыс істеу және қоғам алдындағы міндеттерді түсіну тұрғысынан қарастырылды.
Сыбайлас жемқорлық тәуекелдерінің алдын алу мәселесі де кеңестің негізгі тақырыптарының бірі болды. Қызметтік міндеттерді орындау кезінде тәуекелге әкелуі мүмкін жағдайларды алдын ала анықтау, белгіленген шектеулерді сақтау және заң бұзушылықтарға жол бермеу қажеттігі түсіндірілді.
Кеңес ашық пікір алмасу форматында өтті. Төтенше жағдайлар департаментінің қызметкерлері мемлекеттік қызмет, қызметтік әдеп және сыбайлас жемқорлықтың алдын алу мәселелері бойынша сұрақтарын қойып, нақты жауаптар алды.
Соңғы жаңалықтар
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
Ведомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
Бөкей ордасының 225 жылдығына орай салтанатты жиын мен мерекелік концерт өтті
«ӘДІЛЕТ» ПАРТИЯСЫ ӘЛЕУМЕТТІК ОСАЛ САНАТТАҒЫ ЖАСТАРҒА 10 БІЛІМ ГРАНТЫН ҰСЫНАДЫ
15 граждан привлечены к ответственности за незаконное нанесение граффити в ЗКО
Президент Қ.К.Тоқаевтың «Handelsblatt» іскерлік басылымына жарияланған мақаласы
«Сыбайлас жемқорлықсыз болашақ» тақырыбында сурет және постерлер байқауы өтті
Маңғыстау облысындағы оқу-жаттығу жиыны кезінде қаза тапқан әскери қызметшілер ҚР мемлекеттік наградаларымен марапатталды
